將軍澳居屋邊個屋苑比較好d?

其實要睇下閣下諗住預算多小錢去買這個物業。

本人時常主意坑口區的物業市場, 因為那兒是整個將軍澳最成熟的社區, 每個屋苑, 除了富寧花園遠一點外, 都是很近地鐵站, 而且蔚藍灣畔樓下的連理街呢家真係可以做到由地鐵站去任何屋苑都有蓋, 同埋未來坑口站已經唔會再有野起, 所以供應方面已經穩定了。
在坑口區, 如果想住私人樓, 質素最好的當然是新起的蔚藍灣畔, 間格晒正,會所好靚, 大當好 grand, 價錢都唔平... 兩房 661 呎, 約 2.3-2.4m, 三房則 3.5m 樓上先有機會搵倒貨。
如果想住私樓, 但係想搵 2m 樓下, 海悅豪苑,新寶城,南豐廣場同東港城都可以比倒你, 除了東港城接近十年外, 其他都比較新, 6-7年左右, 其實以咁樣的交通配套, 再加上物業質素, 將軍澳之外, 我相信唔會再咁易搵倒。如果你話居屋, 兩房, 1.1-1.2m, 三房, 1.6-1.8m, 自由市場... 平靚正大.....

我個人認為茵怡花園比較好 :
1. 近寶琳站有新都城商場聯接, 若不是太橫風橫雨, 打風都唔駛擔遮, 而且樓下有巴士站 ;
2. 購物方便, 本身有街市, 華潤超市, 或到新都城商場.
3. 有平台花園, 不過就無會所泳池 ;
4. 冷氣電梯大堂 ;
5. 管理幾好, 感覺似住私人屋苑 ;
6. 雖然實用唔算高, 但已經好過好多私家樓, 而且間隔四正,
如果將軍澳要搵其他居屋相比, 只有寶盈花園可比較, 但來往地鐵站就比較遠.

本人住係將軍澳..
我係住係寶琳既..
我細細個就係度住嫁啦..
E度住得好舒服，
樓之間有好大既空間，
環境都唔錯..
而且而家有個大型商場
加上MTR,仲有好多巴士站
交通都真係幾方便
雖然E度唔係好新..
不過真係幾好住,,
管理都唔錯..因為其實都唔係成日有大問題發生。

坑口
我成日去個頭，亦有好多FD住個邊
個邊都幾好，亦有MTR同商場。
去好多地方都好近，
加上最近都有個新商場，
買野仲方便..
我上過我幾個朋友屋企
環境真係唔錯

將軍澳
我放左學成日去E度..
加上我返學都會經過
個度好多野都好新..
雖然唔係好多好多人..
但係呢..都好多野睇..
不過單睇D樓都好似好貴咁..
我都上過個FD HOME...
D單位好舒服，加上近海..
真係都唔錯嫁!!!!

調景嶺
我間學校就係E度啦!!
機本上去將軍澳行5分鐘就可以到..
調景嶺雖然好似比較偏僻.
而家普通既居屋都幾密
不過而家有D新樓..
都有個新商場..樓下就係MTR..
而且隔離就係海(真係隔離)
所以應該唔錯..
個度有塊空地....遲D仲會起野!!
所以慢慢應該會多人起黎

至於其他好似尚德..

個D我就唔係好知..淨係知都幾多飛仔-0-
不過基本上將軍澳都通晒既..
我平時係調景嶺行返寶琳都冇問題
咁樣好似好細...不過其實真係住得幾好!!
加上應有盡有..
所以將軍澳真係個唔錯既地方!!
學校都有唔小...無論係中小學或者係幼稚園。

希望可以幫到你啦!^V^