物業管理一問

物業管理範圍好廣，除左你講果d，就連保安，清潔，維修，等等，都可以話自己係物業管理。

如果你叫我話你知咩係物業管理，咁我的答案係，以上所有人都唔係，物業管理人係坐係管理處裡面管住上面所有人的職位。

新入職，無任何經驗，又無任何學歷(當然最低都有中五啦)可以由屋苑助理(estate assistant)做起，學下執頭執尾，或者收管理費。有學歷無經驗的(大專或以上)可以由助理管業主任(assistant estate officer)做起，咁就會開始跟進客住投訴，協助處理屋苑內的事務。例如每年必開的業主大會(Annual General Meeting)。跟住升上去會係物業主任，高級主任，副經理，經理......不過，如果想晉升為經理，你必需成為香港房屋管理協會(hong kong institute of housing)或英國特許房屋管理(mih..全名唔記得左，因為我係hkih的member)的會員，仲要通過讀書同仲"個人發展記錄"(p.e.r)先至有得成為註冊經理，之後至可以做經理級的職位。

新入職的ea或者aeo人工唔會太高，今年的市價約8.5~9k附近。如果你有興趣的，可以去jobsdb或者careertimes的網站睇下。你去面試前，最好了解一下行內要做d咩。行內的大公司的代表有 康業、啓勝、置邦、富城等等。其他仲有夏利民、房協、瑞安、中國海外、新恒基、佳定等等。佢地大，但唔係最professional，但如果你未做過而又入到呢幾間的話，都應該學到野。

物業管理係一個厭惡性的服務性行業，如果你無心理準備俾一班無腦的住戶，篤住你個頭話你："仲咩唔俾佢係走廊拜神"的話，我勸你唔好試。入左行，唔係一件好事。我就係悔不當初，唉。

除咗你所講的工作, 重有其他工作要做,
你有否物業管理證書, 有否此行業經驗呢