既然水會下滲而成地下水，點解仲會發生氾濫??

平時d坑渠塞塞地, 少少水係去得到, 多水都去得到, 只係好慢, 咁地上就會積了一灘水, 視乎塞既程度, 但始終會去晒.
平時少量雨水下來, 係穿過沙泥石隙滲入地下而成地下水, 但一次過落好大雨, 就會好似塞塞地既水渠, 會暫時去唔切, 咪形成氾濫囉.
有d土地由於種種原因, 本身已經係海平面以下, 地下水water table非常接近地面, 咁一落雨好快泥土就吸滿雨水而飽和, 再多既水唯有氾濫出來. 好似美國既新奧爾良, 地形像隻碗, 碗中心比海面更低. 所以當超級颱風Katrina過後嚴重氾濫, 而且水係唔會自然咁退去, 要首先修理好堤壩, 再用泵慢慢將水抽走, d居民先至返到屋企, 係用左幾個月時間.

氾濫的出現，一般是因為江河湖泊的水位突然相對地上升，超出河道湖泊所能負荷而溢出堤岸，使鄰近地方遭到水淹。

氾濫時洪水漫流，人和動物被沖倒淹死，農作物被沖倒、沖走或淹壞，財物被沖走、浸壞，以至房屋被沖破沖去，交通設施被沖毀，電線遭水淹而失靈等；這些都是直接的損害。

洪水積聚，再加上屍橫遍野，很容易令傳染病（腸道病、痢疾、霍亂、血吸蟲）流行起來；洪水帶來的細沙覆蓋農田，使農田不宜種植；經常的積水，亦意味著地下水位接近地面，鹽分容易積聚，加速土壤的鹽鹼化；當然還要調動資源去做救災、防疫、重建等工作。

由於氾濫平原土壤肥沃，又有河流供水，加上地勢平坦，交通便利，向為重要的農產區和人口密集地帶，故此氾濫平原的危機較高，災害更大。

之於地下水一問，其實地下水是由地上的水＜＜慢慢＞＞地滲入地底形成，所以一般的洪水或氾濫都是維持數日，最後一些將被流出大海，一些被蒸發，剩下的就會滲入地底，變成地下水。

有D地5可以滲入水ga