唔該幫幫忙大家!我想問下邊度可以買到教學穿珠仔既書啊!

如果想降低成本..你可以直接去深水埗汝州街買珠仔and教串珠仔既書..
你要搞清楚你想串咩珠仔既鍊bor...如果係串Swarovski (斯華洛), 即係好出名賣水晶既..個logo係隻天鵝個個牌子呀...串呢隻珠仔..當然靚好多啦..但水晶珠仔當然貴啦...如果串d簡單既款式..大約200蚊材料費應該ok架喇...如果想平..可以串膠珠既..咁就好平喇..最平真係可能幾蚊就搞掂...但做禮物既話就似乎麻麻左d囉..除非你個design好正啦...邊類珠都好..深水埗都有得賣..連手鍊扣個d都有架喇..但串珠仔仲要技資少少工具架..簡單既幾樣工具連魚絲線..100蚊之內搞掂...
你最好之前睇定書先既..因為未睇書就去睇珠仔..一定睇到眼光..唔知揀咩好架..
講到睇書...深水埗賣珠仔既地方都有書賣,但塊式可能誇張d...要款式in d , 唔好咁誇張..都係係書店搵啦...銅牌灣商務都好多..又或者..如果你方便既..可以去d有大陸書賣既地方搵下..因為大陸書成日都係翻版左台灣/日本d款式譯做中文...而且price平d...款式最靚既一定睇日本手工書喇..但對你初次搞呢d野....可能成本太高喇...
但你記住記住..係書店都睇左先..揀好一個款..打書釘..睇到你明先至買..咁就唔怕買左返屋企..買晒d材料但最後自學又搞唔掂就麻煩喇...

你可以去商務,三聯的書局睇下,有間出版社叫萬里機構,佢都出左好多呢類書,仲有工具的介紹的做法,彩色印刷的,都幾好,你可以去睇吓,or上萬里機構的網頁都有得睇。

你可以去商務印書館0既( 藝術 )0個一個位置到搵..有好多,
或者中華書局,三聯,大眾書局呢0的大型0既書店一定有得
賣..再唔係可以去圖書館網上預約借書...預約費每本2.5 有
兩個星期俾你借閱..未到期前再續借都得..但同一本書最多
可以借三次。當然自己買一本鍾意幾時睇都得...都係幾十
蚊一本書咋..要買材料..到深水埗基隆街0個頭最多配件同穿
珠材料賣..好平咋!


P.S 而家0的男仔真係比上一代0既男仔細心好多,為博紅顏一笑,
會花時間花心機去學手工藝送0野俾女仔..以前多數都係女仔
先會為男仔咁做..而家0的女仔真係幸福。希望你的心意能夠令
佢心神領會..對你用情專一吧!