呢間model公司騙人~~~唔知可以點做~~~(急問)

我有 frd 做過呢 d 公司的 Staff, 我好清楚佢地的生意手法

你唔洗稔報警, 佢法律上無犯法
佢收左你錢, 你去到佢真係會幫你影相
呢類公司的而且確係會接廣告 / 雜誌 / 硬照 job
你影左相佢真係會俾果 d 廣告商揀

點解 d 人話呢 d 公司呃人呢
因為佢未必會有 job 俾你做, 就算有都係一至兩次
但佢俾 Job 你的同時又會話你皮膚唔得呀, 或者肥呀咁
之後你係接左個幾百蚊的 Job 但去幫襯佢整頭, 做 Facial, 纖體, 會無幾千甚至幾萬, depends on 你易唔易俾佢 tum 到
通常佢會滲你話幫襯完佢, side 少少錢, 但廣告商滿意的話到時大把 Job
仲會有電視廣告等等去 tum 你, 最興話少財唔出大財唔入
但我可以好肯定話你知之後佢地唔會再有咩 Job 俾你
所以你 / 其他幫襯的人心理上會覺得俾人呃左
但法律上佢無行騙亦唔需要你簽任何文件
所以呢類 Model 公司係可以做好多好多年都無事的

仲有, 講個秘密你知, 呢 d 公司 tum 你的時候為左表現出自己唔係一間呃人的公司, 佢地會俾好多真係接過的 job 你睇, 話你知佢地真係有 Job 俾你做
但其實稍為大型同埋真係多錢果 d 佢地會搵旗下的 artist 做
佢真係覺得你掂的話係會請你做 full-time / part-time model 成為佢旗下的 artist , 而唔係接散 job
佢叫親你接散 job 的話都係 tum 你幫襯架 jek
有 d 有名氣的 model 都會以 freelance 形式幫呢類公司接 job, 所以佢法律上完全係合法

但如果你係想做名星的話, 呢間公司應該幫唔到你
佢真係覺得你岩係唔會叫你俾錢影相, 係真係會同你坐低傾 contract

你影相果日其實可以照上去影, 佢真係會幫你影
同埋佢地影果 d 相真係 Pro 同靚
咁你當 side d 錢去影輯靚相囉
果日佢地應該唔會再 tum 你俾錢
因為佢地想你覺得佢地唔係呃你
但如果佢地踩你, 叫你再俾錢護膚各樣你就千祈千祈唔好再俾喇
同埋佢話有 job 打俾你叫你接或者叫你試鏡你都唔好再上去喇
因為你唔俾錢幫襯佢地做 facial 你係唔會接到個 job
而接到的錢一定遠遠少過你賺到既

去法院上訴到ok為旨

上面果位你傻咩,點告人呀。佢都未上過去影相點告人呢??證據呢??
我覺得你應該儘快上去睇下咩環境先,有時d野未必係真,何況你再上去佢又叫你比其他費用,你可以唔比,你又可以帶備錄音機同佢地對話,如果佢係呃你既就有證據告佢。
但你一上去其實佢冇呃你既,咁你咪白白損失980,你宜家再上去,
佢叫你再比錢,你唔比佢唔會唔比你走呀??所以唔駛驚,放膽上去啦,你怕既可以搵朋友陪你上去,可以有個證人嘛,同埋你朋友可以幫你錄音咁你唔駛怕佢係咪呃你啦。

你報警求助啦 ~
我諗你唔好再上去間公司啦 ~
你報左警 , 警察會教你點做架 !
如果你驚佢用你 d 資料 , 可以報案個時問埋警察你可以點做啦 !!

下次小心啦 !!

你報警,去消費者委員會告佢.......同朋友一齊去,問佢可唔可以退錢

報警吧啦,告佢詐騙,
應該得呱~.~

2007-04-12 14:17:22 補充：
你可以上埋去,但可以叫埋差人,咁到時有咩事都有個照應