美國轉機程序心得

一般來說, 你坐緊飛機的時候, 空中姐姐就會俾兩張表格你填
一張係出入境記錄, 一張係報海關(話你帶咩入境)

你一落飛機就會直通去排隊check護照及visa
有兩條龍, 一條係俾美國居民, 一條係俾其他遊客等等, 應該會用雞la咁大隻字寫住的
咁你就同入境官傾下計啦, 佢會問你來做咩呀, 玩幾耐呀等等...
跟住如無意外你個passport就會俾dum印, 得左
佢會俾返半張出入境記錄卡俾你, 唔好唔見呀, 返香港check-in的時候要俾阿姐姐架.

跟住你就去認行李啦! 應該會有指示牌話邊班機就去邊條行李輸送帶度等
美國好cheap架, 好多機場D車仔要俾錢先有得用, 如果你唸住帶多行李, 袋定US$5左右先上機啦...

認左行李之後, 就要過海關啦. 拎定本passport同張海關表出來, 無咩野都唔會check你的... 多數都只係望一望你, 同埋睇下你有無寫有帶遺禁品入境. 如果咁唔好彩俾人足左都唔洗驚, 你無帶D古靈精怪野咪最多守下你個急就放你架啦... 我未試果俾人足, 但我排隊時見D人都係咁.

一過左海關, 航空公司就會有個位收你D行李架啦... 到時你留意下佢地有無幾條隊收唔同目的地的行李, 定係全部人都係果度. 同埋D行李俾人收左之後, 可能再有海關開你個急守下有無爆炸物, 即係好簡單咁搵張廁紙咁既野抹下急入面就算架啦... 佢地係lei埋來做, 應該你睇唔見的... 放心啦, 如果你D冬菇包魚響頭先過海關時順利過關就無事架啦. (所以香港check-in時阿姐姐都會叫你唔好lock個急, 唔係人地就剪你個lock)

收晒行李, 可能你要過多次守身先可以入機場大堂. 守身係將你的手提行李過X光, 你本人就過個金屬探測器, 如果你行過時有beebee聲, 就會有人過來"的"你埋一邊, 再搵支野掃你身睇下你邊忽有金屬. 無咩野既, 你光明正大咪由得佢check囉... 過晒呢D之後, 你就可以拎返手提行李入機場大堂

過守身心得 - 著衫最緊要揀D無金屬野的, 揀D唔洗著腰帶的下身衫, 女仔個bra都最好小金屬, 任何銀仔呀電話呀鎖匙呀手錶, 全部放入手提袋, 就可以成個袋過X光唔洗四圍樔, 過左X光又可以一拎起個袋走人... 最好著拖鞋, 易著易除, 為因有時連鞋都要過X光. 咁樣你就可以浪費小D時間於呢度, 多D時間shopping...

一入到大堂就要睇睇個飛機班次板確定下你去San Diego班機係幾多號雜口, 搵到個雜口之後就可以去shopping啦