我想問港島區有邊間睇貓好的獸醫診所?

跑馬地獸醫診所 - 何大成醫生或秦醫生都好好。
我所知, 何大成醫生係獸醫介都好出名嫁, 不過佢而家好似唔收新症喇！(如果真係好急既, 有時佢都會睇既)
秦醫生就好細心, 你煩得佢耐或電話問症佢都好樂意解答！而且佢都會俾d好多意見你tim！
但係價錢比起其他既獸醫診所較貴, 一般打針好似係收$280。如果做d大手術既價都會幾貴, 不過有時有得講價嫁(只限秦醫生, 其他有無我唔知, but 何醫生一定唔肯)！

地址︰跑馬地昌明街6號地下
電話︰2572 0977

另外, 仲有一間係灣仔活道(地址唔記得, 但係果度得一間獸醫診所嫁咋), 個名叫灣仔獸醫診所, 主診醫生最好搵亞paul(鬼佬黎既), 因為佢比較細心之外, 佢會先了解左你既寶貝既病歷先(如果有係其他獸醫診所度睇過症, 佢仲會叫人fax左份病歷俾佢睇), 佢先會幫你寶寶對正下藥！但係佢d助手有時都幾串嫁！不過, 記得千祈唔好搵michael睇症, 因為我之前試過有一之搵michael睇, 未能夠醫返我寶寶, 最後都要亞paul出馬先得, 激死我！

價錢︰相比跑馬地獸醫診所會平d, 同樣地, 亞paul都會俾你講價既！

地址︰灣仔活道 (一座唐樓既地下)
電話︰唔係好記得, but 可以打去電話公司問下, 因為我之前都係咁查既！

希望以上資料幫到你啦！

2007-04-13 13:58:17 補充：
我有一隻寶寶(貓), 4-5年前都係開始都患上腎衰竭, 之後經跑馬地獸醫診所 - 秦醫生及何醫生睇完之後, 寶寶既情況一直都有好轉, 雖然, 我寶寶而家已經離開左我, 但係經秦醫生及何醫生佢地好細心既治療之下, 我寶寶都可以存活多幾年, 我都已經好開心！

2007-04-13 13:58:31 補充：
雖然佢地收費係會比一般既獸醫診所貴, 但係我都覺得係值得既, 起碼, 我寶寶有乜野事都好, 我都可以第一時間打俾醫生同佢地講, 就算佢地幾唔得閒或已經無位睇我寶寶個症都好, 佢地都會盡量安排俾時間我嫁。不如你試下去果度睇下啦！p.s. 我寶寶最後唔係因為腎衰竭而離開我既(佢既死因係不明), 而且係佢死之前既一個星期返去覆診(驗血), 個報告都話我寶寶個腎比之前好左好多tim！

吓! 又係腎衰竭, 點解近來咁多貓貓有呢個病?

有個網友o既貓貓又係有呢個病, 佢帶貓貓去睇Dr. Maggie(西人), The Cat Hospital, Tel: 2975 8228, Address: G/F 37 Aberdeen St,. Central. web sit: http://www.9lives.com.hk/, 呢間係專睇貓貓, 而且其他網友都推介. 至於診金, 您打電話去問吓, 或者上web sit睇吓啦!

至於我o既大隻貓最近試緊針灸, 見佢都ok啦, 起碼唔會舐到近腎臟位置d毛甩晒, 您可以帶貓貓試吓, 診金連針灸大概$300內, 其他打針, 藥...等等就另計. 九龍動物醫院, Dr. Betty Chan(中國人), 地址: 九龍城獅子石道20號地下, Tel: 2382 3300, 時間: 10am - 7pm (7天工作), 要預約, 講明搵Dr. Betty

我同意何大成間診所最好，唔拖症又唔會叫你做d無謂嘢，醫生/儀器又多，要睇何大成要早一星期預約，其它醫生都好好，奇難雜症我會揾何大成；但普通打針我去皇后大道東獸醫 Tel. 2865 4320 打針$250