囝囝唔肯返學

首先, 先改掉夜瞓的壞習慣, 白天不要給他瞓咁多, 要佢早d瞓; 或者未能一朝一日去改到, 但要循序漸進, 例如平時十點起身, 明天起要九點起身, 過一兩天, 要八時起身; 上床時間都要逐漸提早, 最好大人都要陪他早睡早起... 白天午睡時間都一樣逐漸縮短, 只是晚上有足夠睡眠時間便可以了...
記得要忍心一點... 小朋友要從少養成良好習慣, 到幼稚園返學已是玩玩下, 都唔肯返, 將來小學中學點算????
我兩個小朋友都好喜歡返學, 特別是幼稚園時, 因為有老師和同學一起玩, 還學到紀律... 他們和同學的感情也很深厚的呢!!!
做父母的, 一定要擇善固執, 為小朋友打好基礎...
另外, 父母都要誘導小朋友參與群體活動, 如帶他們到playgroup和其他小朋友一起玩, 如果學校有試讀或預讀班就最好, 例如每星期有一兩天安排一小時的預讀班給小朋友習慣學校環境等... 但這要視乎和學校的安排了.... 還有, 大人不要在小朋友面前說學校壞話, 例如不要用警告的語氣說你唔聽話, 叫老師罸你... 或者話你唔乖乖起身返學, 老師會鬧...... 等等, 給他們覺得學校是一處唔好玩又有惡人的地方...
或者帶小朋友到學校睇下, 話呢度好靚喎, 又有好多玩具, 又有好多小朋友, 好開心咁咁.....
小朋友在老人家的緃溺下長大, 會比較難馴服, 父母要花更多時間去調較...

首先唔好介意, 我純粹表達一下我的意見, 如果你不認同.就當我冇說過吧!!
其實他咁細個,可唔可以遲些才反學呢. 因為你越是迫他反,他越不想反.將來他到了適齡反學,都很難喜歡反學的
這是因為我曾經教過幼稚/兒園, 見得太多了..我覺得小朋友好慘, 兩歲就被人帶返學, 反到來就由朝喊到放學..跟本咩都學唔到,其實老師也教不到他什麼,....然後令他對返學產生反感...這情況比起三歲才反學的難收補..
純粹個人意見

可以向囝囝介紹返Ｎ１的生活。