我係一次偶然既機會下係Yahoo知識識左個男仔，件事係咁既>>> http://hk.knowledge.yahoo.com/question/?qid=7006120301824
跟住我有時同佢係MSN傾計，都可以算係朋友既，大家都向對方講左好多自己既野，見過幅相，不過未見過面。就係情人節前一晚，佢突然同我講話鐘意我。點可以令人相信。但我又唔可以話100%肯定佢講大話，咁咪就咁拒絕佢羅。之後幾日佢都繼續講。後來有一排都唔佢online.仲以為佢避我。前個排，又見佢online，佢話佢電腦之前壞左喎。跟住佢仲繼續話鐘意我直到而家。冇幾耐之前，佢無端端同我講話佢係女仔，激死我。隔左幾日佢又話其實佢講下笑，求我原諒佢。直到而家，我都好若無其事咁同佢傾計。佢都冇乜話鐘意我。我好想知道佢點解要玩我。我好想知點解佢話佢鐘意我(我地從來冇見過面，連一見鐘情既機會都冇)，但佢又唔似講大話。但係佢叫我點信佢喎。佢平時又講好多佢自己既野俾我聽，所以我先至覺得佢唔似講大話。究竟我應該點做，我從未拍過拖。我唔知佢係咪講大話，雖然心裡面一早已經認定左。可唔可以教下我應該點做........
佢係咪真係鐘意我....雖然我心入面已經有答案...
2007-04-12 7:07 am
回答 (4)
2007-04-12 8:20 am
✔ 最佳答案
網上是有很多虛假感情的，對一個不認識的人說一句甜言蜜語實在不難，因為不用對自己說過的話負責任，但聽者可能就會感到很開心，因為有人關心自己嘛﹗我覺得大家只是見過張相，就這樣說喜歡，其實真的有點兒戲。不過可能你靚女，佢越睇張相越鍾意你都唔出奇，加上你同佢好好傾，所以就向你表白啦﹗如果你都有意思進一步發展，其實亦唔需要心急約出來見面，或者先用email再溝通下先，再唔係傾下電話，用聲音感受下佢o既誠意，俾自己多o的時間諗下係咪接受佢。但係你要問清楚佢，其實佢係咪同一時間同好多女仔MSN，睇下佢係咪漁翁撤網，如果係o既話，呢個男仔就唔係咁可靠喇﹗重有一點就係，佢而家仲有冇同你講鍾意你呀？如果冇，就唔好諗咁多喇﹗多個知心朋友傾下偈咪幾好囉﹗唔一定要拍拖﹗
雖然話網上識朋友唔可靠，不過都會有例外o既﹗我都有朋友從網上認識了現在的男朋友，佢地至今拍拖第五年了。而家你可以做o既，就係相信自己o既感覺啦﹗
2007-04-15 5:28 am
一定係昆你啦,香港十個男仔九個都想上床呀.
2007-04-12 7:46 am
~~雖然3唔識7可以做朋友...
不過你對佢又有d似係似唔係既感覺....即好多唔知點!!!!!!!!
好唔實在....講真網上識多數都係吹水多.....
佢係唔係真係一個男仔???
又或佢係唔係真係鐘意你???
你咁想知好應該係約佢出黎,
仲有一提,我覺得你對佢有意思多過佢真係對你有意思
你比10分上網問呢個問題...仲打咁多字.....
可以的話唔好太易信一個未見過既人,同自己要識保護自己
我唔係話百份百上網識一定唔係好人........不過你要識一個人,對人又無信心,
同太多問題係你感覺到佢有問題.......
2007-04-17 16:52:09 補充：
好明顯佢自己做既野想只有自己知就算...佢唔想人地知咁多野...佢保護緊自己可能佢心中已經知道自己做咩..你自己小心啦呢個世界大把好男仔啦
不過你對佢又有d似係似唔係既感覺....即好多唔知點!!!!!!!!
好唔實在....講真網上識多數都係吹水多.....
佢係唔係真係一個男仔???
又或佢係唔係真係鐘意你???
你咁想知好應該係約佢出黎,
仲有一提,我覺得你對佢有意思多過佢真係對你有意思
你比10分上網問呢個問題...仲打咁多字.....
可以的話唔好太易信一個未見過既人,同自己要識保護自己
我唔係話百份百上網識一定唔係好人........不過你要識一個人,對人又無信心,
同太多問題係你感覺到佢有問題.......
2007-04-17 16:52:09 補充：
好明顯佢自己做既野想只有自己知就算...佢唔想人地知咁多野...佢保護緊自己可能佢心中已經知道自己做咩..你自己小心啦呢個世界大把好男仔啦
2007-04-12 7:18 am
唉,可能你己經不知不覺受感動啦,又可能己經俾人玩左,總之一句,網上咩人都有,唔好咁天真相信陌生人啦!
收錄日期: 2021-04-12 20:27:12
原文連結 [永久失效]:
https://hk.answers.yahoo.com/question/index?qid=20070411000051KK06570