5月去英國遊學團,不過勁驚,想大家教下我一d生活既野,唔該晒

趁後生鍛鍊一下自己, 見識多點係一件好事呀. 既然你一直都沒機會離開屋企人, 依個就係你體驗自己生活的好機會. 你的 case 和我差不多, 當年我 20 歲去法國讀 summer course, 之前連飛機都未搭過, 咪一樣返到黎, 仲有好開心既回憶, 同你分享一下啦
搭飛機你根本一點都不需要驚... 有咩好驚?? 咪排隊 check in, 跟住入閘, 搵 boarding gate, 上機咁樣之嘛. 同你平時去旅行既一模一樣. 況且 check in 全程都會有地勤人員幫你做好. 絕對無問題啦 . 你只要執好你既行李, 唔好係 hand carry 放太多液體就是了... 這一項不用擔心...
你係去遊學團, 即係學英文啦, 咁英文唔好又有咩問題?? 你住 host family, 佢地接待過不同國籍, 不同 level 既學生, 就算你英文真係差到爆, 佢地都會接受到既 (只要你唔好同佢地講中文就得啦). 但係住 host family 記緊一樣野, 就係 "你唔係住緊酒店 !!!" 你暫時係佢地屋企既一份子. 如果你要外出或唔返去食飯既, 就同人講聲... 盡量收埋 d 少爺小姐脾氣, 唔好成日屈係房入間, 出去同佢地傾下計, 溝通一下, 自然就會熟落. 你可以帶定幾相屋企人 / 香港的照片, 有助打開話題的. 但傾還傾, 有 3 樣野一定唔可以問:

你自己有宗教自由, 但千萬不要直接問人是否 xx 教徒 / 信 xx 教.
你可以問人地對一件政治事件既睇法, 但絕唔可以問人地的政治取向
你可以問人做咩工, 但一定唔可以問人搵幾多錢 !!!
仲有你可以對 host family 要求幫助, 但就唔可以話人地比間房你係西斜呀, 冇電視電腦係房呀, 唔夠大呀, 冇獨立洗手間要同成屋人 share 等等... (因我聽得太多依 d 少爺級投訴, 點都要講一聲)... 記住你係佢地一份子, 最好自動幫忙做一點家務, 如洗碗等, 大家開心... 雖然他們係收錢, 但亦唔代表你去做大爺的...
至於鬼佬咸濕... 嘥氣... 係男人都咸濕架啦, 著得唔好咁暴露咪 ok lor. 如果你成日怕依樣怕個樣, 你就 9 成識唔到朋友, 一樣之嘛, 大家英文都唔好架啦. 傾傾下咪 friend lor.
去到一個新地方, 第一時間要做既係攞地圖. 請 host family 幫你圈出屋企, 學校, 商店等等地方, 同搭咩車可以返屋企, 仲有屋企幾多號電話, 有咩事都可以打電話返去... 咁你有地圖, 有電話, 就唔怕走失啦. 唔駛搭的士呀, 唔好咁富貴啦. 路在口邊, 問 host family, 佢地自然會話你聽點樣返學架啦...
一般 host family 都好少發生偷竊情況... 最緊要自己收好 d 貴重物品, 不過你只去 10 多天, 免得過就帶少一點東西. 以前我住 host family, 現金收係大背囊, 都一樣無事呀... 佢地會好尊重你私隱, 唔會攪你野既...
其實你去返學, 又住 host family, 500 鎊已經好夠用, 成 7500 蚊架啦. 不過英國幣值高. 街頭樣樣野都 2 - 3 鎊咁, 好似好平, 但只要一計, 樣樣都幾十蚊架. 食個 fish & chips 分分鐘成 100 蚊, 所以點都要慳住用呀. 至於你夠唔夠錢去個朋友度, 就視乎你用左幾多啦...

其實你唔洗太驚... 英國其實都唔係太差... 但係城市裹面就比較差少少...
自己一個坐飛機... 但係你都可以叫屋企人同你一齊出機場架嗎... 之後過關可以用e-道... 其實同番大陸無咩分別,只不過你要過保安... 而你一定要張D liquid放係一個保鮮袋裹面分開過x-ray... 之後就曬下個gate係邊先,之後先再去睇野/買野...
其實你有個寄宿家庭... 問題都唔會太大... 我相信用你D英文+手語... 而英國其實係如通行信用卡... 差唔多所有野都可以用信用卡... 所以你可以考慮攞少D現金而用多D信用卡...
係英國其實D人都好好... 如果你唔釋路,好多人都會help你... 不過你可能問D年長D會好少少... 因為佢地會比較鍾意help人... 而我會suggest你唔好攞禁多錢出街... 攞十多二十磅出街咩都夠... 其他cash就留番係你個屋企喇...
其實英國D鬼仔好多都好nice... 所以識人就一D都唔係問題... 而可能你真係諗多咗喇... 因為我係英國禁多年,又真係無咩問題喎... 所以唔洗太擔心啦... 最重要係記得攞你寄宿家庭個地址/電話... 有咩事你都可以打電話同問人... 如果唔知自己係邊都可以叫其他人講比你個host知你係邊...
我相信你個寄宿家庭一定會話比你聽回番學... 如果唔係叫佢show比你睇點行... 一次唔釋,兩三次都釋喇... 所以我禁真係唔洗用到坐的士番學... 而如果你個寄宿家庭已經比左錢... 五百磅兩個星期一定夠(唔好話兩個星期)... 我計曨番學/食飯/屋租都係五百磅一個月咋...
如果你有咩問題,你可以e-mail比我呀... 我答到你一定答... 我e-mail係: [email protected]