有關貓仔貓女做絕育的問題,必須要有經驗者回答,急急

首先, 恭喜你, 你又增添左一個新成員！希望佢地會和平相處, 快快樂樂咁成長啦！
至於你既問題, 我希望可以幫到你啦！

1. 其實貓貓絕育後, 大多數都唔會再叫春嫁喇, 不過都有例外既, 好似我個BB咁, 佢係男仔黎既, 絕左育之後, 都仲有係晚上叫(不過唔係成日, 好睬係間唔中姐), 但係, 佢又唔係叫春, 係叫悶！仲鬼死咁大聲, 叫到好似叫春咁, 俾佢激死！至於女仔, 係我屋企果D女, 自從絕完育之後, 都無聽過佢地會好似我個仔咁叫(叫到好似叫春咁), 但係都有叫悶, 不過就唔係好大聲, 仲可以接受啦！

2. 至於你問絕育後, 佢地仲會唔會有興趣呢.....其實係睇你隻貓貓幾大帶佢去做手術, 因為好似我BB咁, 佢差唔多成5歲先同佢做手術, 所以, 就算做完手術後, 好多時佢同D仔、女或老婆玩既時候, 都會有呢D習慣性既動作; 相反, 其他比佢早做完絕育手術既(佢D仔女係6個月大做左絕育), 就無出現過呢D行為。 所以一般黎講, 越早做手術, 會有呢d問題出現既機會就越小。

3.其實, 絕育手術只係一個小手術, 好難講到俾你聽點先係成功...如果, 真係要講既話, 唯有話佢地個傷口唔發炎, 就已經係一個成功既手術喇！其實如果係仔既話, 佢地做完之後, 好似無做咁, 行得走得, 食得訓得, 唔講都唔覺佢做左手術, 因為其實只係係佢pat pat個袋袋度拎走兩粒蛋蛋, 所以做完之後, 你都唔多覺; 唔似d女咁, 因係要係個肚度開刀, 所以你一定會睇到個傷口, 而且個傷口仲要成個月先好得返, 所以, 一定要比較小心睇住佢, 唔好俾佢跳上跳落, 最好果一個月都係困籠, 如果唔係, 我怕佢太多大動作既話, 會整爆個傷口, 到時手尾仲長！(eg. 發炎...等)

4. 貓女係唔會有月經嫁！

5. 一般黎講, 貓仔、貓女都會好似人咁, 會有d好早熟, 有d比較遲熟, 所以你唔使太擔心！
好似我家姐隻貓咁, 兩歲都唔識攪d貓女, 咁咪又係激死人！(我家姐仲諗住睇下佢得唔得tim, 點知, 一等就兩年喇！)

希望以上資料可以解答到你啦！

2007-04-16 20:25:43 補充：
oh...sorry....我誤會左你意思tim, 唯有再幫下你啦！當然, 佢地做完絕育之後, 係唔會有bb啦, 至於你問佢地仲會唔會繼續係度叫, 叫到好似拆天咁呢.....係唔會既....不過, 並唔代表佢地唔會叫喎 (我意思係間唔中一兩聲既, 你都仲會聽到既), 因為正所謂 -「都開左個頭」, 所以已經好難令到佢真係完全無喇！除非, 佢既年紀仲好細啦, 當貓貓大d會既話, 可能會唔記得既！祝你好運！

1)貓貓絕育後會減少叫春，但不會完全無，因你的貓貓已開始了佢既第一次
2)手術以後應該都不會再有興趣
3)貓女的絕育手術其實都幾簡單(當然無貓仔般容易)，我既貓女做之前我都好擔心，但做完先知真係小手術，唔駛 2 星期拆左線個傷口埋左仲搵唔返 tim
4)手術後 no
5)因為有另一隻貓仔係度，速使佢早 d 思春，你既貓仔都盡快絕育啦，對健康好 d 嫁

您好, 首先我要說一說我自己從來都冇養過貓女的, 我家那二隻都是仔仔的。
1. 相信是。
2. 咁又不是的, 可能有些都會做些 xx 的動作。
3. 這個我不清楚。
4. 有的, 佢地六個月開始便已成熟的。
5. 正如我以上說, 貓貓一到大約六個月到便開始想 ｘｘ　的，　因為佢地已經成熟。