狗走了不回來

其實你隻狗狗而家仲細，你就算出去倒垃圾都唔好比佢出去，如果唔係整慣佢佢就會當奉旨，同埋佢咁細，應該未打齊針，千萬唔好帶佢出街呀~~
我果隻狗狗係松松，都係3個幾月果陣黎我屋企，初初黎果陣都好似你講既情況咁，叫佢佢唔理，摸佢佢咬你，不過呢個係正常現象，因為佢仲細無乜性，未養熟同埋唔知你叫緊佢
你都係養左佢一個月多d，都唔算好長時間，佢未必知道佢有個名，你平時要成日叫佢個名，等佢知道呢個係佢個名，當你叫完佢之後請佢食小小零食獎佢，久而久之咁佢就會對自己個名好敏感，最後就會知道呢個係佢個名
你去倒垃圾最好搵屋企人抱住佢，唔好比佢走出去，如果唔係佢慣左自出自入既時候有咩事偷走左出去唔番黎就麻煩架喇
同埋你要趁而家訓練下佢，例如sit呀，hand呀咁既簡單動作，培養番佢既紀律，等佢聽話d，當然訓練既時候要有零食做獎勵啦
同埋你要好似湊bb咁，要多d抱佢，同佢傾下計，佢比你摸的話就即刻獎佢零食同埋讚佢乖，咁佢就會好鍾意人摸佢架喇，同埋佢大個之後會知道比人摸好舒服，會成日要人摸，我而家隻狗狗都係咁，細個唔鍾意人摸佢(自我保護)，但而家好嗲，成日要人抱，又反哂肚咁要人幫佢'r'肚肚，行出街就算見到陌生人都肯比人摸，仲要人幫佢'r'肚肚，嗲到不得了
所以你想佢聽話，要由細開始教，同埋響教既過程要用多d獎勵，一定唔可以打佢，否則佢只會更難教，要比好多愛心同耐性
基本上要好長時間先可以見到成效，所以你唔好輕易放棄，如果你一路教(唔好打)，大概到你隻狗7,8個月，佢會好鍾意人摸同抱佢架喇

我隻狗狗同你個隻差唔多大,初初返屋企時都會想咬人架,不過就好鐘意俾人抱同摸肚仔,我哋响佢咬人或者吠時就幫佢帶個口罩,最初帶口罩時佢檸到頭都甩埋咁滯(會好心痛架不過都要忍),但慢慢佢知道係整唔甩個口罩既,跟住就會好可憐咁扒係地下,呢個時候你可以同佢講如果你乖就幫你除咗個口罩,如果佢真係乖既你就除咗佢個口罩,效果幾好架你可以試吓,但每次帶口罩最好唔好超過10分鐘,因為隔得太耐佢會唔記得咗為乜事俾人罰架,跟住下次佢再咬你你就攞個口罩出嚟,佢一見到個口罩應該會即時乖返或者四圍走架啦(因為知你要罰佢).我隻狗狗就叻到識分如果係佢自己做錯事攞口罩就會以高速逃走,但佢冇做錯野你攞個口罩擺响佢面前佢重同你玩添.