貓貓問題+*

我有五個貓貓大爺同一個貓貓大嫂.
五隻係安哥拉,一隻係長毛波斯.
1.+2.波斯仔係有两層毛底層叫做絨,係其它貓無嘅,就係因爲佢地有两層毛所以就特別容易打結.我個波斯大爺係勁鍾意梳毛,一同佢講梳梳佢就牛咁大對眼望住我,跟住就飛撲埋嚟.其實你應該係咁梳,要用两把梳,第一把係普通梳毛梳,梳用全身之後無打結喇,咁再用第二把梳係針梳,應該係你所提及個把梳,針梳嘅作用係張D已經甩左嘅毛梳晒出嚟.
你隻貓唔鍾意梳就係因爲你一開始就用針梳同佢梳,未梳開D毛就用針梳佢會痛架,所以米抗拒囉.
3.其實痴唔痴人唔係睇品種係好睇貓本身自己性格架,我個五隻安哥拉每隻都極度痴身,日日都要抱雲咁多隻,有一隻仲一定要我抱住佢瞓覚仲係每晚添.而個波斯老細就唔多鍾意抱梗加唔洗你抱.但係好鍾意坐係我附近,尼D就係佢地我表達愛嘅方式,我攞佢番嚟個陣佢已經二三歲喇,我都有諗過如果佢係我一手湊大又會點呢???
可能個五隻安哥係我一手湊大,所以特別痴我,抱少陣都唔得.試過一次抱四隻添.
如果你想佢痴你咁就真要比多D時間同佢相處.
4.人地話貓老左就會成日瞓,我覚得都係睇貓者,我隻老豆安哥拉都十一,二歲都唔係咁.不過冬天就真係瞓多D嘅,凍呀馬我地都會啦.
5.如果一隻健康嘅貓D毛色已經係好有光澤架喇,另外要參賽嘅貓會有食維它命丸令D毛色再光澤D,寵物店仲有D沖涼液係令到D毛特別有光澤架.

我估你梳得佢有D痛,所以佢唔鍾意,我隻都係長毛貓,佢好鍾意梳毛架,針扒形梳同排梳我都有用,針梳就用作整理,排梳就解結用。

你試吓細力D慢D,唔好真係好似括泥咁大大力,更加唔好夾硬捉住佢離梳,我個隻我唔會捉住佢係咁梳架,我由得佢一路行我就追住佢梳,佢就會好舒服咁瞓向度比我梳。

如果真係打左結,就要捉住個結果度D毛既根部,慢慢咁解,如果佢反抗,可能係你大力左,佢覺得痛,咁就停一停先,你愈係捉到佢實,佢就反抗得愈勁,下次佢見到你把梳就怕啦。

如果個結真係好難結,咁就剪左佢好過,唔好夾硬離,佢驚左下次就好難攪架啦!

2007-04-11 17:10:20 補充：
仲有~隻隻貓既性格都唔同,我以前都有一隻,好痴人,連陌生人都痴仲好為食tim,但宜家呢隻呢~,一般啦,陌生人直頭唔比掂,會避開架,亦唔為食。你隻貓都應該有10歲,佢開始老啦,所以會冇咁活躍架啦,人老左都係咁啦,年青貓一日大約要瞓20個鐘左右,老貓會多D tim。其實貓冇真係"瞓"著20個鐘咁多,佢係"恰"著多,因為要保持警覺性,係動物本能。