自己驗到懷孕之後，下一步該怎樣做？

首先要取得證明懷孕既醫生紙, 呢張醫生紙可以係普通科/婦產科醫生既診所取得, 唔須要一定去婦產科, 因為比較貴, 同埋記得入去問清楚驗孕幾錢, 因為我試過冇問, 驗完先知要幾百蚊!!! (普通科咋, 仲唔係比人呃咩!!)

跟住妳就可以拎住張醫生紙, 同公司講已懷孕, 咁一黎佢地唔可以炒妳, 二黎亦都可以同公司講盡量唔好出差, 唔好做d粗重工作!

之後同樣拎住張醫生紙, 去登記醫院, 如果想登記私家既, 最好就搵到一個同該醫院有掛牌既醫生, 請佢幫妳book位, 會易d同多數有位! 如果想排政府既, 就睇妳有冇心儀既醫院, 例如妳想係廣華醫院生, 咁就攞住張醫生紙, 去廣華登記, 不過最好之前先打電話去問下仲收唔收到妳, 同埋若果妳係誇區, 就要睇下醫院肯唔肯收啦~ 例如妳住屯門, 廣華未必肯收妳架~
如果妳冇乜所謂既, 想選最近既醫院, 就先打電話去問下, 妳應該係去醫院定附近既母嬰健康院登記, 多數去健康院登記就ok架啦~

完成登記之後, 妳就要考慮下, 須唔須要私家診所同政府醫院2邊一齊做產檢勒~
好處係咩呢, 就係私家會詳細d, 同埋可以次次都照到超聲波, bb有咩問題可以早d知道, 須知道政府健康院每次產檢都只係會摸下肚架咋, 以前會照多d超聲波, 而家因為太多人(you know what happen 架啦!), 所以政府只會比一次超聲波檢查比妳, 多數係6~7個月果時做, 到時先發現有咩問題就實在太遲啦!!!
壞處係咩呢, 就係要比多d錢, 同時間囉~ 不過我覺得只要bb健健康康, 比多幾千都係值得既!!

然後仲有一d檢查, 例如檢查bb有冇唐氏既oscar, 呢個檢查一定要一有左就即刻book, 因為必須係11-14week做, 過後做就唔準架啦!! 呢個檢查政府有得做, 不過只會免費比35歲以上孕婦, 如果35歲以下, 又想係政府醫院做, 就要比950蚊, 冇記錯應該係威爾斯有得做, 可以問下健康院既姑娘~ 如果真係太遲book唔到係政府醫院度做, 咁好多私家醫院都有得做既, 價錢大約千零2千蚊到啦~

然後到左20week就要做一個結構性超聲波, 係check下bb既器官骨骼有冇大問題既, 呢個我就唔知政府醫院有冇得做, 就算有都要比錢, 亦都可以問下妳準備睇既婦產科醫生/第一次產檢時問下醫生邊度有得做啦~

重要既檢查就大概係咁多~~
------------------------------------------------------------------------------------------------------------------------------
以下係要留意既野~
(我自己收集資料打成架~)

懷 孕 宜 忌
衣—宜:寬鬆衫褲裙, 6個月後最好穿大肚裙(因為通風d)
改穿大肚婆內衣褲(唔好唔捨得買, 唔係生完胸墮有肚腩就喊都無謂)
平底不滑腳的鞋(例如波鞋)
忌:牛仔褲, 緊身衫, 貼身衫褲
∴ 總之一個原則, 著上身要舒服!

食—宜:葉酸, Omega 3早3個月食到生,(鈣/鐵丸)問醫生先好食,
大肚婆奶粉可改飲鮮奶/脫脂奶
新鮮水果, 蔬菜, 肉, 魚 (除左下面唔好食果d之外), 另車厘子及紅(早)水補血, 多飲無妨
老火湯, 魚湯, 花膠湯(1個星期一次好啦)
另外三文魚, 秋刀魚, 沙甸魚都有好豐富既Omega 3(一個星期食3次, 記得要煮熟先好食!!)
另外如果見頭暈可以食1~2粒糖, 但千祈唔好食多, 因為驚會有妊娠糖尿病

忌:生冷野, 燥熱野,
生果有西瓜, 木瓜, 荔枝, 芒果, 榴槤,
蔬菜有生菜, 西洋菜, 馬碲, 白菜仔, (豆腐, 紅蘿蔔, 粟米少食)
海鮮除左魚之外都唔好食!! (食都係食細魚, 大魚驚有水銀同雪卡毒)
零食少食, 朱古力千祈唔好食/飲, 又燥熱而且會令bb以後比較難教!!
冷飲一定唔得!! 咖啡, 酒, 茶, 可樂, 汽水都一樣唔得!!
食煙飲酒就唔使講, 更加唔得!!
∴ 總之, 問多d人, 如果大家都話唔好食既野, 就千祈唔好食, 如果有d食物有人話食得有人話唔好食, 就至多食少少好啦!! 拿, 唔食呢, 就冇損失既, 食左而又有咩事就唔好啦!

住—宜:最緊要住得開心, 附近有朋友有親戚, 有咩事即刻有人到就最好!
空氣流通

行—宜:行少d路, 行慢d, 多d坐, 多d抖, 多d同bb講野, 佢聽到架!
忌:用力搬/攞野, 踎底, 烏低身, 舉高手, 拎重野
染髮(因化學品有機會經過身體傳到bb度)

------------------------------------------------------------------------------------------------------------------------------

平時最緊要心情放鬆, 多d休息(尤其係頭3個月, 最易小產), 最好3個月後先公開, 寧可信其有呀~~ 當然父母同老爺奶奶就可以早d講啦, 等佢地鍚下妳丫麻~

至於bb用品, 可以多參考別人意見, 但要記住, 雖然一定會有人送bb衫比妳, 但和尚袍等都最好買夠10~12件, 因為bb一嘔奶/尿片漏尿/大汗都一定要換衫, 換得幾件就冇乾淨衫著都好呢hea架, 所以寧可預多, 好過冇衫著!!
仲有bb衫呀, 紗巾呀, 至少頭1年都一定要同大人分開洗, 因為大人經常外出, 出面好多菌既, bb既免疫系統未發育得好, 好易就會病, 所以要分開洗, 如果冇辦法, 就bb衫仔用手洗啦! 因為bb衫全部都係棉, 好易乾架姐~

記得係8個月既時候就好預備定走佬袋, 萬一bb早左出世, 都已有準備, 唔洗咁呢hea~

同埋呢, 健康院門口有時會有d奶粉公司/尿片公司係度擺檔搵孕婦入會, 記得入會啊, 有好多野送架, 到bb出世時真係慳返唔少架~~

暫時諗到咁多, 有就再補充啦~~

你好，我推薦您一個專業的懷孕育兒的網站。他包括了數百篇關于如何懷孕，懷孕症狀，懷孕期間需要注意的事情等等： 好媽媽助手網

http://www.haomama-help.info/

希望我推薦的網站對您有參考價值，祝您好運！

去普通診所可以了,因為價錢比較便宜,妳說想驗孕他們僧幫妳驗,跟住叫醫生幫妳寫封轉介信去妳就近一間公立醫院產科門診部掛期就可以了

2007-04-11 17:57:01 補充：
接著醫院會教妳怎樣做

先去普通的婦科睇，睇完後叫醫生寫封介紹信俾醫院(當然由你選那間)。跟住就去醫院登記排期檢查。
之後啲野由醫院女排，盡量去聽醫院安排有關的講座。
可以去以下網頁同有關準媽媽或媽媽聯誼或寫孕育日記…

http://www.baby-kingdom.com/modules/news/

http://www.bbrocket.hk/modules/newbb/ (可寫日記，有好多歌仔)

下一步係去排街症，雖然唔係病，係去拿「證件」，佢地會安排以後的檢查和到醫院待產。
以後的檢查會係母嬰健康院（都係政府診所），拿住懷孕證明，就係免炒金牌，跟著同屋企人講。
如果我再講下一步會唔會被人檢舉為文不符題架，還有很多細節架！
希望可以補充一下駛唔駛下（幾）步，我唔想又被人檢舉。

2007-04-11 20:08:19 補充：
你叫補充咋，唔係我文不符題呀！１．ＢＢ用品可以唔駛買住，但係要準備ＢＢ房，加Ｄ家具如ＢＢ床等，但唔好裝修；２．要安排搵人陪月，唔係到時唔掂，通常都係親友長輩，又有很多人到時請外傭等；３．唔好行房；４．唔好著緊身褲；５．唔好食生冷野、亂食藥；６．臨盆前記得叫丈夫買孕婦衛生巾，ＢＢ濕紙巾，初生嬰兒紙尿片，醫院便利店又貴又經常缺貨；７．要同胎兒講下野；８．嬰兒出生４２日內要改名，領取出世紙。（點解唔駛買ＢＢ衫、褲，因為好多時有人送）都係差唔多，我係兩名幼兒的父親。

去婦科的專科診所

去看醫生
去婦科的專科診所/醫院