關於倉鼠媽媽(長毛小熊鼠)生左BB

絕對唔可以咁做,咁做d bb就一定會全部死晒架啦...
bb唔飲奶既話點生存?佢地只可以飲返鼠媽媽既奶去成長,冇左媽媽就死緊架啦...你當鼠鼠係人咁諗,都會明白唔可能可以唔飲奶架..

而家你郁動過鼠bb,要盡快放返入去,唔好用手就咁放,用手套,盡量唔好驚動鼠媽媽,唔好留有氣味落bb度.不過你都拎過出唻,鼠媽媽可能心情已經好緊張,放返入去都未必知道係佢自己既bb,就算知道,有其他氣味都好易會食晒d bb...但唯一可以做既,只係咁樣.
食自己鼠bb有幾個原因:

1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb

2)鼠媽媽覺得bb養唔大-鼠bb身體弱 or 自己冇足夠既奶分俾佢地

3)鼠媽媽覺得bb有第d動物氣味

4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張

5)鼠bb死左

6)鼠爸爸對bb根本冇咩感情,所以如果生之前冇將鼠爸分開籠,爸爸就會食bb

防止食bb方法:

1)生育前將鼠爸爸分開籠,單獨放鼠媽媽

2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)

3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既

4)生之前放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.

另外,希望你可以諗下唔繁殖鼠鼠,鼠鼠既繁殖速度好快,而且鼠鼠天生根本就係獨居動物,根本唔適合群居,就算兄弟姊妹,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既.

而且繁殖鼠鼠都會有好多問題,混種就更加多問題啦,鼠bb又好易俾鼠媽媽食/養唔大,未戒奶就打交又好難處理,加上鼠鼠生育後壽命係會縮短既.

加上養多左又會令鼠鼠既生活質素下降,點解要咁做呢?

2007-04-11 14:49:07 補充：
我好細個既時候,都有人教我用人手餵bb既方法,我試過係唔可行既,完全飲唔到,之後死左….鼠bb根本唔識得咁去飲,好易”續”死bb架.

係唔可以ga!!~BB一定要飲奶先可以有足夠营养,除非有其他可以代替la~你隻倉鼠媽媽已經唔可能再為BB喂奶~你應該用人手喂奶,去pet shop買支倉鼠BB飲既奶,用乾淨棉花吸渗D奶去喂~都有喂奶器買ga~