我隻貓到宜家都未肯主動去飲水, 有冇嘢可以代替水比佢飲?

我隻貓最初都係唔肯飲水, 諗住佢口渴就會飲, 跟住見到佢間中飲水但係唔多, 無咩理佢. 後來見佢唔多妥, 帶佢睇獸醫, 就驗出係腎衰竭.

原來貓貓每日要飲好多水, 至少要飲50cc (約1支益力多), 但係貓貓既習性係唔多鍾意飲水, 為咗佢o既健康, 就算佢勁扭計, 都要用針筒迫佢飲水.

貓貓唔肯飲水, 會唔會係因為飲水兜污漕咗, 貓貓好鍾意乾淨, 要時時幫佢洗兜同換水. 有網友試過買個細魚缸再加個濾水器裝水俾貓貓飲, 一來有濾水器d水乾淨d, 二來d水郁郁吓, 以貓貓o既八卦性格, 應該會有興趣, 可以試吓!

仲有, 要小心貓貓有尿石o既情況, 唔飲水好易生石, 如果您擔心就帶貓貓去俾獸醫check吓啦!

你千萬不要給牠drink 奶. 你可以用水浸乾糧,浸到乾糧軟曬...倒曬d水去....

隻貓食左d糧,因為d糧有水份,所以佢食左d糧,都可以算係drink 到d水...

我的貓以前也只喜歡飲水喉水，後來我在銅鑼灣「貓舖」買了一個自動濾水飲水器，就解決了貓仔唔肯飲水的問題。個飲水器的結構其實和一個魚缸的濾水系統差唔多，貓仔好中意飲新鮮水。
但係我去過好多寵物店都冇得賣，就算「紅蘿蔔」亦只有同一牌子的自動餵糧器，沒有飲水器。所以，我估一些裝飾用的水流擺設，雖然沒有濾水功能，但應可吸引貓貓飲水。

萬試萬靈方法 :

1) 比雪凍少少o既水佢地飲, 可以係水喉水或distill water.
2) 放一兩粒冰落佢地個飲水碗度, 要比佢睇住你放粒冰落去喎
3) 用新鮮猫草搾汁雪到變冰粒再用上述方法....

因為猫猫好鍾意飲涼涼地o既水

我試過方法1同2, 係work係, 因為我有其中一個仔就係因為成日都唔飲水搞到尿道有結石去唔到廁所, 有朋友就話比我知lay個方法, 點知我個仔一見到粒冰, 就係咁用脷lam水(其實係佢地好奇心大, 以為水入面有d古怪野) !

不過其實最緊要係你要多d同佢地換新鮮水, d死仔包一聞到d水唔fresh佢地就唔會飲架啦 !

試下啦 !

我想問下你隻貓多大呢　？　　你是比了什麼水佢地飲呢　？　　我自己是比曾煮沸過的水　（即是我們飲開的水）　比佢地飲的。　咁你會否在晚上給佢食濕糧呢　？　　如會，　可在這時下一些水比佢地的，　一來佢地又可以飲多些水，　二來又不怕佢地不夠水飲啦。　

貓其實唔係成日飲水架,或者佢有飲你唔知,我個隻一日都係飲二三次左右咋,如果你有比濕糧佢食,其實都唔使驚,濕糧都有好多水份向度,奶就唔好啦,人飲既佢極有可能會肚瀉,比貓飲既營養高得滯,會易肥。

你留意下佢除左唔飲水外,仲有冇其他問題,例如冇小便,胃口差左,咁你就要帶佢去睇吓E生啦。

試下唔好比水喉水/普通水佢飲 ，比d蒸餾水佢飲
because d 水喉水/普通水有一陣貓唔係好like既味
試下得唔得la！ 其實唔得你唔使咁憺心o既
我隻貓唔係成日飲水啦！

用MILK比佢飲