✔ 最佳答案
媽媽個肚如果脹大左, 變左黑色(如果佢係黑眼), 或者橙紅色(紅眼既話), 就即係大肚, 28-30日到啦, 就會有bb出世架喇~到差唔多, 見到o的眼仔既時候, 你就開個缸, 比條媽媽自己一個住下先, 咁就少左o的爸爸對bb既攻擊, 不過媽媽都會咬自己o的bb架, 得閒留意下, 生左bb既話, 就盡快撈走佢地(或者媽媽, 總之分開佢地), 記得唔好咁粗暴喎~好易整親佢地架~(我試過喇~好內疚~><)如果唔多時間可以睇到佢生既話, 放o的水草落個缸到, 比o的bb匿下~甚至可以用o的生殖缸, 等o的bb生左出黎之後, 自動隔離~媽媽有時會生好耐架, 等個媽媽個肚扁哂, 個肚冇哂o的黑色/紅色之後就係生哂~會有十幾廿條啦~雖然我睇o的網話會有50-100條~但係我養咁多次都係廿幾條....最少仲試過得八條添....
bb出世之後, 第一日唔駛餵住架, 佢地會"食"番自己個卵黃先~
之後呢, 就可以試下比o的好幼既糧佢地啦~記得要幼呀, 如果唔係好易啃死架~小心控制水質呀~
2007-04-12 00:31:51 補充:
比心機養呀~養得多, bb既存活率會愈來愈高的~^__^幼既糧唔一定要買, 可以o係個糧樽入面, 摸下側邊o個o的糧粉~咁個size就prefect喇~