神既問題~

首先我表明我都係一位基督徒，我承認係網上係有好多自認係基督徒的人，又或者真係基督徒的人時常表現激動，大鬧其他宗教，又話其他宗教點衰點唔好，但係我有懷疑，講這番說話的人是否係真正基督徒？無錯，係我地眼中係唔接受其他宗教的神，但並唔代表唔接受其他宗教的良好行為，如行善、對人和睦，其實每一個宗教裡都是有好多好人，也有好多未成熟的人，我希望以後網上唔好再有惡意評擊其他宗教的語言，就算自己並無宗教信仰，我地都應該要和睦共處，而且身為基督徒或其他宗教的教徒，自身的宗教的教義係叫你同其他人互相攻擊？

不過我係度澄清一點事情，係我地的教義上係得一個神，而且係唯一真神，而這位真神係愛世人的，唔係唔信祂就要落地獄，呢一些言詞只不過係未完全了解聖經的人，又或者有誤解的人聖經而出現的，而且係聖經上亦有一些人好有善心，亦係行正道的人而未信主，但神已經稱他為義人，還有我地基督徒所相信的神係唔係慈愛、係唔係真實，一般人係感受唔到，除非你有用心去接受祂，不過我係呢到亦唔多作解釋，如果有疑問可以自己去睇聖經，不過唔明白的地方一定要揾一些資深牧師或可解經的人查問。

我今次係度發表這篇言論，唔知會唔會引來好多人的評擊，如果係善意或想一起討論宗教問題，可聯絡我，唔一定要討論基督教，如果係惡意評擊我都唔會再回覆，希望大家可減少爭吵，和睦相處，耶和華除了要我我們相信他之外，愛人如己亦係一件好緊要的事。(神愛世人，甚至將祂的獨生子賜給他們，叫一切信他的人，不至死亡，反得永生)

Very Good. Real 基督徒.