點解去外國讀書???

我中六後都過了澳洲讀書, 我可以將我的看法同你分享.

Q1) 點解要去外國讀書?
有好多原因的, 其中有...:
a) 在香港升上理想大學的機會不大, 所以想去外國升大學. 因為international students在外國會有更多機會.
b) 想見識個世界, 不想只知道香港, 不想做 "井底蛙".
c) 因為有家人已經去了外國讀書, 所以順利成章一齊過去讀書.
d) 不喜歡香港的填鴨式教育制度/ 考試制度.
e) 外國的讀書環境比較香港輕鬆.

Q2) 從邊幾方面考慮去唔去?
a) 家庭經濟情況. 因為外國讀書會用好多錢, 一年至少十幾萬港幣. 而你一個大學學位至少都要讀3-4年. 所以要計清楚數目, 睇下屋企可唔可以負擔到.
b) 該學生的獨立程度. 因為一個人去外國讀書, 無屋企人照顧. 所有事情都要自己一手一腳做. 如果想去外國讀書, 就要有好獨立的心理準備.

Q3) 應該幾時去?
話唔定的. 有人中五畢業會考後去, 有人中二、中三就去. 亦有中六或中七後去. 如果考過香港的公開試, 好多外國的Foundation Study已經接受申請. 所以只要讀一年大學基礎班或 diploma就已經可以升上大學. 但如果得中二、中三, 就只可以升上外國的中學. 而且好多時都一定要住寄宿學校. 學費, 生活費, 寄宿費亦貴好多. 但好處就係因為好細就過去, 可以更適應外國生活, 同英文都會較易學好.

Q4) 注意d乜?
如果想考過香港的會考或高考先過去讀書, 就唔好諗住遲早會離開香港就唔好好準備個公開試. 因為其實外國的 Foundation study都會睇你考試成績的. 另外第日番香港揾工做時, 好多香港的公司都會睇番你會考或高考時的成績的.

另外如果去外國教育展覽, 記住唔好咁易相信d學校代表. 好多時 ,佢地都講到自己點好, 點好去吸引多d留學生的. 我堂細佬之前都比一間寄宿學校欺騙咗. 過到去讀書先發現同學校初時講的有出入. 你最好自己做d research. 可以上網問問人, 睇下讀過的人點講.

Q5) 準備d咩?
足夠的衣服同參考書、中英字典. 去外國之前check清楚晒所有事情, 例如天氣, 電壓 (同香港一唔一樣?)... 當你決定咗去邊到讀書時, 再問問知識+人要準備d咩啦. 因為個個國家都唔一樣的.

Q6) 係咪要移民先得?
一定唔係. 只要你有錢, 就可以去外國讀書.

Q7) 去邊度好?
去英國, 美國就貴d. 去澳洲, new zealand就平d. 去歐洲國家就要一定識講佢地的語言. 你可以睇睇你屋企的經濟, 再諗諗你有興趣讀咩科. 之後再check 下你揀的國家的大學好唔好.

Q8) 開支,價錢呀,質素,環境果d係點?
個個國家唔同. 我可以講講澳洲 Melbourne的情況比你知.
a)如果你自己煮飯, 可以省好多. 因為普通一個碟頭飯都要AUS$7-9. 但自己買餸就可以慳好多, 因為用 $7-9已經可以買到兩餐的餸.
b)另外melb的 University of Melborune同 Monash University都係兩間好好的大學. uni melb仲係澳洲數一數二的大學.
c) 因為melb無香港咁熱鬧, 又冇咩好做, 所以都好適合讀書.

你如果仲有其他問題就send email問我啦!

外國發明好,有多好學校