做姐妹既問題!! (20分)

家庭及人際關係 婚姻與離婚
2007-04-11 4:00 am
我想問下, 黎緊我會做姐妹, 咁新娘想我地幾個造同一套衫, 加上0個日又要化妝set頭等等, 呢d錢係應該姐妹自己出地新娘包埋呢?

姐妹化妝SET 頭又幾$$ 左右呢?
同埋做人情方面又幾多先合適呢?
定做禮會好d呢?
因為我第一次做姐妹好多野都唔清楚..其實我同佢都唔係好熟, 我都唔識佢其他姐妹同伴娘, 只係識新娘一個....
另外我又要做埋MC, 想問下, 之後係唔係都會有利事收返?
平均係幾多左右呢?
因為加加埋埋我去佢個WEDDING 都要用超過 $1500, 都幾"金".

THANKS
更新1:

多謝咁多位既回答, 令我知多d 又有一d人既親身經驗, thanks~! 就係因為其實我同新娘都唔係咁熟, 有d野又唔知點開口咁

回答 (7)

2007-04-11 4:46 am
✔ 最佳答案
如果個新娘要求你哋咁多個姊妹都係著埋一色一樣嘅衫嘅話, 咁做衫錢當然係由新娘出啦！但如果個新娘淨係要求你哋著統一顏色嘅衫嘅話, 咁買衫錢就應該由你自己出嘞！

至於set頭化妝, 咁就要問吓做新娘, 幫佢set頭嗰個人會唔會包埋你哋嘞！因為一般新娘如果肯駛錢嘅話, 就會連伴娘, 屋企人, 姊妹都包o架！如果嗰新娘唔肯駛錢嘅話, 咁你唯有自己出去salon度整囉！一般去普通屋村商場salon整, 都係一佰幾十啫, 至於化妝要靠自己或其他姊妹幫手喇！

至於人情方面, 做姊妹通常都有開門利是收番嘅！咁咪做八佰至一仟囉！同埋永遠都係俾錢最好啦！(換轉係你都想收錢啦！方便計數嘛！)

你係同個新娘唔熟吖, 定同佢哋啲姊妹唔熟呀, 如果你同新娘唔熟, 冇理由會搵你做姊妹架, 但你放心啦, 如果識做嘅新郎新娘通常都會提早安排姊妹同兄弟出嚟聚會同開會o架啦, 早啲聯絡感情嘛, 順便傾吓當日安排及行程。

至於做mc好似冇利是收o架喎, 就算有都係意思仔咋, 唔係大利是嚟o架！

咁平均參加一個婚禮飲宴嘅駛費, 連人情最少都要1000-1500啦！講真買衫都要啦！
參考: me
👍 0 👎 0
2007-04-13 4:18 am
做姐妹，都是同非常要好的朋友做，普通朋友都唔會叫你幫手，所以，新娘和你都應該不要計較太多；如果新娘要姐妹穿著得統一D，或者特別的飾物，她好應該講明錢銀方面的做法。你可以問下新娘子的要求？大家相熟，應該講清楚，無謂日後，大家不開心。
做MC就唔簡單，要 口才出眾，眼到、口到，打足二分精神才成；新娘子一定非常看重你，一定不會要你白做，一於坦白向她提出，只要不是獅子大開口，一定無問題。
👍 0 👎 0
2007-04-13 1:38 am
如果新娘要求你們做同一套衫的話，那應該要新娘付錢，至於姊妹化妝有很多新娘都不會包的，要自己比錢! 或同姊妹及新娘商量一下，那方面需要付那方面有新娘包。

姐妹化妝連造型一般約300元
人情或禮物就睇下你同個新娘既交情係點，有些人會給cash$500-800不等，有些人只會送禮物。以前新娘搵人做姊妹，姊妹多數都係送禮物比新娘，係而家會多數比cash，實際d。

好多時做姊妹都未必識得其他姊妹，不過新人會係結婚前約2-3星期會約齊兄弟姊妹出來吃飯，咁到時大家會傾下計，同埋班姊妹都會商量玩接新娘前既遊戲，到時多左遘通就會無咁陌生。

至於MC有無利是收及幾多錢，呢方面就要睇一對新人，會唔會比返利是你們! 我個陣時就無特別給利是MC的。你們當天的利是收入，就是在女家新娘或父母會派利是給你，在男家新郎或其父母也會派發利是及接新娘的門口利是(是姊妹及伴娘平均分的)。

至於最後會用左幾多錢，其實都唔好咁計較，到左當天會辛苦D，但也是好玩及開心的一天。
👍 0 👎 0
2007-04-11 6:20 pm
姐妹化妝set頭正常新娘係不會包埋的!!! 點解我甘講, 甘其實要好睇個新娘資金方面的!!! 我自己就今年年尾結婚, 我會包埋伴娘一妝一頭, 連晚裝, 至於姊妹的, 我會同她們sure d 晚裝錢!!! 個個不同, 我之前去做伴娘, 見我d friends --- 姊妹全部都要自資...

姐妹化妝SET 頭大約$300.00到....
其實人情同禮, 邊樣都係好好的, lee d 都係心意...
做埋MC會有利事收返的.....
我自已o個晚都會搵d姊妹做mc... 我會一人$200.00 到....

其實講真, 如果我係你, 我會自己化妝(如果ok的話), 晚裝就問一問新娘會係點...至於其他的你都不用太worry, 因為你會收番開門利是同司儀的利是的... 你都不會太金!!!

anyway, 睇返你自己的能力啦!!!!
參考: enjoy yours....
👍 0 👎 0
2007-04-11 5:16 am
姊妹化妝set 頭方面, 希望以下條 link 可以幫到你啦

http://hk.f1.page.auctions.yahoo.com/hk/auction/1113515391?u=winglam_makeup
參考: me
👍 0 👎 0
2007-04-11 4:11 am
其實我覺得化妝set 頭呢d 野其實睇番果對新人點做o既啫, 不過通常人地大喜日子都冇乜所謂, 佢唔出o既咪當為左佢而出囉, 人情方面(都要睇番佢係邊度擺酒), 酒樓起碼都公價五佰架勒, 酒店就八百至一千 la, 其實你唔識佢其他姊妹唔奇, 可能佢朋友搵d, 同事搵d, 同學又搵d 咁, 加上佢搵得你做姊妹兼mc 呢, 某程度上佢都一黎係同你熟, 而黎佢都係欣賞你o既口才, 搞到氣氛, 至於利事就一定有架勒, 至於幾多就真係要視乎人地o既職業同背境情格等等而定 la,...
參考: 以前已經有做過兄弟, 黎緊八月都會再做兄弟的,
👍 0 👎 0
2007-04-11 4:05 am
造衫,化妝,set頭應該新娘包埋
做MC應該會有利事收返
👍 0 👎 0

收錄日期: 2021-04-23 21:28:26
原文連結 [永久失效]:
https://hk.answers.yahoo.com/question/index?qid=20070410000051KK04992

檢視 Wayback Machine 備份

　
　
　
　
　
　
　
　
　
　
　
　
　
　
　
　
　
　
　
　
Ans.fyi 參考答案 - 知識平台 © 2024 條款免責 私穩政策