新手養魚一問

你養0既魚都係中型至大型淡水魚,我估你個魚缸至小都有兩尺半啵~但你講到你個缸好細,即係你d魚仲係幼年魚啦!!,所以養到咁上下最好轉大缸,咁d魚(如:錦鯉)先會大得快!!水質都會易d控制!!
所以過濾器0既水泵一定要夠力,咁先可以推陏d水,有助過濾效能!!但唔好用假草,因為容易滋生細菌!!而小量石仔係冇問題,不過要小心size,一定要大過魚口,同事要留意石下面有機會卡住左d屎屎同食物,如果出現呢個情況要同吸筒吸走,以免令水質變壞!!
開始答你主要問題!!
1) 點保持水清??(幾時要換水or點處理d屎)???
答 : 用黎換到缸中0既水要暴氣24小時,即係用前等24小時,令水中氯氣揮發,(因為氯氣會破壞魚鰓同魚鰭),24小時之後先可以用黎換水!!而一尺以下細缸,3日換一次水,每次1/3缸水,一尺半缸以上,每5-7日換一次水,每次1/3缸水!!
魚缸換水想d水夠清就要響開缸時養水同養硝代細菌,細缸最快要養水一星期,大缸要2星期,咁之後養魚會好d!!但如果做好哂呢類事前工夫,開始養魚之後,d水都好易污染或唔清,就要留意比野食份量唔可以太多,因食得多痌得多,可以先控制食量,每日兩次,每次以10分鐘內食哂魚糧做標準!!食得多,有食唔哂0既魚糧,要撈走,否則d水就會好似滋生細菌同藻類,什至d水會有色同有味,咁可以用增加換水次數同時用活性碳,活性碳係用黎吸色吸味,唔會殺菌同吸菌架!!(唔係好似jasonjason28 所講,唔想病就多d放活性碳,)什至用藥時係要拎走活性碳,因為活性碳係會吸走d藥!!
所以使用活性碳時要準意,用前要清清活性碳,d水有色有味時可以用黎做付助性質,而用藥時就要拎走活性碳!!
2) 點令d魚唔病??如病左又應點??
答 : 一般情況下d魚好小會病,但一般都係因為水質變差,或水溫,水質突然轉變,令魚隻抵抗力下降,從而引發病變!!所以冬天多數魚都要用暖管,換水之後落小小粗鹽做防禦!!
但因為病都有好多種,所以我冇可能一次過講你知每種病點醫!!,但最基本係用鹽浴醫初發病情,一般都係用粗鹽,黃粉及藍藥!!,唔洗特別去買個d咩(消毒鹽),因為一般殺滅細菌同寄生虫0既原理都係以(液體滲透方式)將細菌體內水份抽乾,達到殺菌0既目的!!即係話細菌響高鹽度水中,因為身體水份比率高過體外水份比率,令身體水份滲透出體外,引至身體大量失水而死亡!!
但當然,鹽水只係針對淡水魚,海魚不適用!!而且唔係咩病都醫到,所以有時要睇下咩病先可以用更有效0既藥,
總結黎講響水用粗鹽只係做殺細菌防禦!!所以要因應病情而用藥!!用藥要拎走活性碳,水中加多d氣,每日換1/3-1/4缸水,要用隔夜水,減水食物份量,如果病情好轉,到第七日開始減小用藥份量,直至兩星期止!!
3) 光管長開有冇問題,d魚一開燈就唔游
答 : 光管長開冇意思架~一黎哂電,二黎光管壽命下降,三黎對魚隻休息有影響,四~唔係所有魚都習慣長時間光照~,所以一般光照時間係唔會多過7小時至9小時!!!
4) 我d設備夠唔夠?
答 ; 免強可以啦!你有9條魚,你個d魚日後仲係長會大的(錦鯉可以生長到2尺),所以你個細魚缸未必夠用,如果你個d仲係幼年魚(7吋左右)建議轉用2尺缸!佢地會多小小空間!!響冬天用暖管會更好,(雖然錦鯉唔怕凍,但其他幾種魚就唔係了)過濾器除左用過濾棉,仲要用生物環同加(硝化細菌),有助分解屎屎同食物,更易控制水質,!可以的話假草唔好要啦!因為容易滋生細菌之外,如果假草表面好硬的話,d魚游過時可能會受傷!!
打左好多字,下次再補充!希望幫到你!!

2007-04-11 00:19:39 補充：
活性炭係咪一包包擺係濾水器既野ar?係呀~不過用前洗下先用,之後放響過濾器就可以了~

我另果3條係"血英無"~~

1)先用水泵吸左Ｄ魚屎先(唔洗吸晒Ｄ水,吸一半經已夠),,吸完就加返Ｄ水落去,,
想Ｄ魚冇咁易病就去金魚街買Ｄ消毒鹽返屋企,,一換完水就加少少落去!

2)想Ｄ魚冇咁易病就去金魚街買Ｄ消毒鹽返屋企,,一換完水就加少少落去!
病左就去買Ｄ藥水(話畀佢聽Ｄ魚病左用個Ｄ佢就會去拎畀你嫁啦),,滴幾滴落去...仲要''格''離條魚喎!

3)光管長開只會電費貴Ｄ嫁姐,,冇咩問題既....至於魚一開燈就唔游,,可能佢地未習慣姐!

4)都ok嫁啦!我諗你有濾水器都有埋棉花同活性碳嫁啦可??!