養金魚, 關於水質問題

如果你即用水喉水即刻換(即係生水)，d魚會好難適應，會好易死。你是否新開缸不久或換了水?是的話白濛濛是正常的.因為魚缸內的要靠一種叫"硝化細菌"的益菌來分解水中的有害物質如"硝酸鹽". 新的魚缸是沒有硝化細菌的,所以當你加了水,濾水器開始運作,硝化細菌也開始慢慢地生長建立,而建立過程中會令水變得白濛濛. 當換水太多的時候, 硝化細菌也會流失, 同時, 如果你直接用水喉水來換水, 水中的綠氣會把大量化細菌殺死, 由於要硝化細菌再度建立, 大量換水後不久也很容易出現白濛濛的現象.另外有一個情況, 就是魚缸內,養魚的數目太多, 令硝化細菌未能及時分解有害物質(如魚的糞便,食剩的魚糧),也會使魚缸水混濁. 看你的缸所養的魚數目不太密, 只要注意喂糧份量, 等過多幾日, 應該水會慢慢變清. 如覺得白濛濛情況未有太大改善, 你可以去魚店買硝化細菌劑來加快硝化細菌的建立.
至於喂野佢食，通常早晚各一次，我比較喜歡比豐年蝦佢地食，同樣有營養&可以將d魚d色靚d！如果用魚糧(乾糧紅色細細粒)都可以，不過可能令d水混濁！
另外，新魚買回來，最好不好開袋，成袋魚放在金魚缸30分鐘左右，用途是令d魚適應魚缸裡的水溫！當30分鐘左右過後，你打開個袋放d魚落魚缸，記得，魚袋裡的水是不要，不好將魚袋裡的水放落魚缸！換水方面，好在乎魚的品種，有d一星期三、四次。當然la，換咁多次水費都好貴la。其實每次換1/3水就可以。三、四天換一次。你換水前一、二天要預留一桶水，當你換水時要用這桶水，咁d魚先無咁易死。如果你即用水喉水即刻換(即係生水)，d魚會好難適應，會好易死。
需要注意: -
**食糧唔一定是比紅蟲，其實紅蟲中是有很多細菌，細菌會令你的魚生病及爛尾。你也可以用乾糧，當然要視乎你的魚，買適合的乾糧及size la。但我比較喜歡比豐年蝦，因為比較有營養！
**如果你個魚缸是沒有魚泵的話。最好放多d水草，但最好放在有光線照到的地方，要光合作用。不過最好是加個氣泵，安全d！
**你可以養d蝦仔、螺仔，因為牠們會吃水中的微生物(包括排泄物等物料)，好似食物鏈！
**如果你要自制生態魚缸，最好養d細魚，因為水中的水草未必會足夠提供氧氣。
**如果你的魚缸白濛濛，這段期間,不要再加魚, 換水只可換少量, 水要用隔過一兩晚的水(待綠氣揮發), 濾水器的濾棉不要經常換, 因為濾棉是有大量硝化細菌
**"黃粉"多用在"爛肉"、"爛尾"病情輕微的魚兒身上或新魚落缸前的消毒預防用

化學藥物少用為妙，
首先要找出根源，
如果想水清就只用大量炭就可以，
由於唔知你的飼養密度，所以只能建議你還是好好做好過濾系統，
生物環不要經常清洗，通常半年用魚缸水沖沖就得，
過濾先用白棉->大量生物環(越多越好)
白棉因為唔係主力養菌，所以應該日日洗左d 屎，減少污染，
其他野就唔好洗佢。
如果有時間就日日換水1/4-1/3，但記得是慢慢加水，
一星期d 水就ok 了。

其實反而係因為你經常換水, 洗濾水器, 所以唔能夠養出一些硝化細菌, 我以前都試過, 越整越衰.
問題就是你清洗左濾水器, 令到佢無了硝化細菌, 你現在可做的, 再換大半缸舊水(先放一兩天的水喉水), 落d硝化細菌藥水(金魚街有售), 死都唔好再洗濾水器, 等三天一定發覺水會慢慢變清. 濾水器不用時常洗, 就算要洗棉花, 都要用換出來的魚水洗, 如果唔係就又殺死d硝化細菌, 水又再變濁. 信不信由你, 我問左好多金魚店同自己試過先夠膽講, 因為好多人, 包括我都好憎見到d水好濁. 水一濁就忍不住去換水,又用水喉水直接洗濾水器, 洗到佢乾乾淨淨, 咩有益的細菌都死晒, 水就更濁! 現在我保持三至四天換三份一, 一星期換二份一, 用抽出來的污魚水洗濾水器同棉花, d水清到你唔信 . 但要記住, 不要落清水劑, 會殺死晒d有益細菌, 治標不治本呀!

金魚係較多便便的, 所以好多時水都較濁, 所以要一個較強o既濾水器.
其實你除左用生物環外, 仲有冇加濾棉呢, 生物環只是生物過濾, 而濾棉就是用物理過濾,即是濾棉是用於隔除較大之廢物, 所以你一定要加濾棉, 而生物環就放於濾棉下.
生物環可以用水洗, 不過大部份人都話要用魚缸水內o既水洗, o甘D硝化菌才不致於全部被洗掉, 不過基本上生物環可以3-6個月先用魚缸水沖沖就得, 不用洗得太切底, o甘D硝化菌先可保留.另外濾水器應該起碼做到4-6次水循環先叫ok.

你養金魚應該可以加活性碳, o甘D水可以清D.

如果想淨化水質﹐可以試下買啲 "淨水碳" (因為我唔知果啲叫乜) 既野
喺賣魚店會有架﹐同啲職員講話要啲用黎過濾同埋淨化水質既碳就ok既啦