追求一個少女問題

愛情是一樣奇妙而不能以常理解釋的物體，尤其是局外人就難以理解箇中感覺，
所以祇有當事人才能主宰當事人的去向，一旦有感覺就會不顧一切地出擊了，
根本不會理會旁人的觀感。而從表面上看，
你想追求那個少女應該是一個有競爭性的筍盤，
即是話，如果你是一個有野心和自信的人，應該可以考驗自己的能力吧!

我覺得冇話直得唔直得, 睇你點睇~

大家只要係未結婚, 都有選擇的權利, 她可以同時接受其他男孩追求而又有男朋友, 你一樣可以~!!

問題係你由邊個角度去睇~ 如果講專一的話, 這女孩不合格, 不值追求的~

如果講你對自己同佢都有信心的話, 立即去馬冇問題~

最後, 我覺得這少女比較花心~ 但我都希望你再去了解多一點這少女的想法, 才去追求

我 覺 得 唔 值 得 呀 !
因 為 佢 自 己 本 身 都 已 經 有 男 朋 友 啦 .
仲 要 接 受 其 他 男 仔 既 追 求 !?
1 睇 就 知 佢 對 感 情 係 唔 認 真 架 啦 .
所 以 你 都 係 唔 好 追 佢 啦 .
費 事 你 自 己 傷 心 啦 ..

追, 努力追!
發揮你嘅魅力
不過唔可以後悔
有冇咁嘅本事?抵得渴?
加油喇!老友!

我諗你要先搞清楚果個女仔係未'接受'好多男仔既追求
身為一個女仔,,
我認為既然有左男朋友就唔應該 接受 人地追
至少一個好既女仔一定唔會咁做先啦
當然,,就算係好女比人追都會有d開心
知不過佢唔會一邊同男朋友sweetsweet
另一邊又同第二d人有曖昧even更進一步既關係

至於值唔值得追
就要睇你自己
如果你好中意個女仔
又唔介意比人話你係第三者既
咁就梗係冇所謂啦
但係睇你咁講個女仔都幾花心下
就算比你追到
我大吉利是講句
你地都好快散嫁喇

查實呢個問題好個人下
旁人都只可以比佢地既意見你
最後做決定既
始終都係你自己
我都唔方便講咁多~~

唔值得追。
你認為自己會追得成咩?
如果追唔成,又何必去追?
只會自己樣衰,搵來搞。
如果追得成呢?
咁即係要佢遺棄自己男朋友,你就要背上搶人女友之罪名.
其實佢有男朋友你就已經唔應該痴埋去,要識得避.
你知啦,太多角既關係會惹來桃色糾紛,紅顏禍水呀.
如果你覺得佢都唔係對佢男朋友認真,你去挑戰都冇咩問題,
咁你就大錯特錯啦!
如果佢本身都唔係好愛佢男友,做咩要同佢拍拖?
即係拎個男朋友來解下悶,寂寞有人陪咁啦.
咁你個男朋友都名不副實,你唔係想步後塵嘛?
而且佢仲大方地將自己比其他男仔追,咁博愛,你更要小心!
佢做比人追果方,一定冇蝕底,
但係你追佢,又要逗佢,送野比佢......
隨傳隨道,聽晒佢話,當佢公主咁,益晒佢啦.
佢就係由得咁多男仔同時追佢,又唔應承人,又唔拒絕人,又唔揀定一個.
分明就係想一路拖落去,係咁多人身上拎著數,有幾個觀音兵服侍啦.
何況就算比你追到佢,你都唔會得到完全勝利.
佢就算同你一齊,都會再同第二d人一齊,再受第二d人追求,唔會淨係屬於你一個.
好明顯呢個女仔對戀愛態度隨便而唔認真,就算一齊都唔會長久.
佢根本未定性,玩下架咋.
雖然多人追既女仔應該係靚女或者有其他好野,但係呢個女仔就一定比唔到安全感你.
你追唔追佢,就睇下你想點.
如果你同佢係同一類人,中意一腳踏幾船,
你咪追佢,然後大家各有各玩.
但係如果你係認真,就唔好試,佢真係可以將感情開玩笑.
就算你勁中意佢,但為免他日受傷,你都唔好中個頭埋去咁蠢.

否值得追求,她接受其他男孩追求而且她是有男朋友 .

我覺得她不是一個值得追求的女孩..她有男朋友still接受其他男孩追求..那么她的男朋友算什么??玩具??why will u like her??i feel sorry to her boy friend..i cant say any bad things of her coz i don't know her..the most important thing is..since u know she is like that??why would u want to love her??if u really love her much..nothing can stop u isn't it??it just depends on u..hope u understand!!

我本人認為不值得!!!
可能你追到佢, 佢又好似宜家咁, 個個都追得, 你到時後悔都黎唔切啦!!
我認為個女仔好冇道德, 自己有男朋友就唔好再接受其他人啦!!!