✔ 最佳答案
世上d野點叫, 係人指定既, 約定而俗成. 你可以追溯第一個咁叫既人係邊度人, 但未必追溯到佢點解咁叫, 又可能佢係隨便咁定, 叫叫下變成人人都咁叫, 唔一定有得解.
叫法係人定既唔係天定既, 也不是神聖不可侵犯, 而且常常會改.
例如我地用既123係阿拉伯人用先, 傳到羅馬, 又傳到中國. 當羅馬人人都123時, 中國人仲係一二三緊, 而家中國人係兩套都用, 將來可能好似日本人咁全改用123, 棄用一二三都未定.
又好似"菽", 除左呀羅太羅范菽芬, 你知唔知點解? 菽係大豆. 而家冇人咁叫啦. 唔係咩原因"大豆"好過"菽", 只係約定俗成.
又有d係諱言. 好似廁所就係廁所, d人覺得不雅, 不如婉轉d叫洗手間. 你明知入廁所唔只洗手咁簡單, 但而家都咁叫, 將來可能冇人知廁所係咩, 同個菽一樣變成古字.
又有d野既叫法可以係隨便開玩笑, 講得多就變成正統. 例如小強, 好多人都知係一個笑話, 來源可能係好似小明呀, 陳大文呀咁, 代表一個普通人既名, 不過想不到是一隻蟑螂既名, 所以攪笑. 但而家係香港話中, 小強已經係蟑螂咁解, 將來話唔定冇人知咩係蟑螂, 好似而家冇咩人知咩係蜚螊一樣. 唔係講笑, 你知唔知大蟲即係咩動物呀?
回到你既問題, "人"係唔一定叫"人", 就如"我"可以係"吾", "余", "在下", "鄙人", "朕", "寡人"... 唔通d人唔知"我"就係"我"咩? 約定俗成啫, 不如你解下"我"點解係"我"? 邊有得解呀...
參考: 如果你唔知咩係大蟲, 可以參考水滸傳.