有關學溜冰既問題+有無人想一齊學溜冰。

如果你想學溜冰既話

太古城 & 又一城 收費大致一樣
平日 私人班 $800 , 半私人班 $650 , 團體班 $550
假日 私人班 $875 , 半私人班 $700 , 團體班 $675

西九龍就平 d
平日 私人班 $675, 半私人班 $550 , 團體班$420
假日 私人班 $750, 半私人班 $625 , 團體班$470

** 半私人班係 2-3人學,,, 團體班係大概6個人學 [多數未必識對方]

入場係包埋溜冰鞋, 所以唔洗特別另外收費
如果你係想自己買對花式鞋既話, 最平既大概 1500 [刀連鞋] ,,, 太古同又一城都有得買,,, 如果係太古或者又一城學生既可以有八五折
當然最平既只係適合初級既溜冰學生用,
如果再早級 d 既要換好 d 既鞋,,, 咁個 d 起碼 2000 幾啦鞋同刀分別都!
不過初學既 1500 個 d 已經好足夠

1)
溜冰完全無分年齡! 我仲遲過你開始學溜冰 =3=
其實如果你有心學, 有心練, 年齡完全唔係一個問題!
同我一齊溜冰既人都有 d 20 幾歲,,, 咪又係無問題! 最緊要你要過到你自己個關!
我最記得之前溜冰比賽見過最年老既參賽者有成70幾歲!
d 呀伯學花式如果跌親都幾大獲架,, 但係佢地都夠膽當住咁多人戴住個頭盔學溜冰,,,, 呀伯都可以,,,, 相信你都一定可以架!
所以千萬唔好介意自己唔係細細個開始學! 老實講, 13歲真係1 d 都唔算細
我好多朋友都係 16,7 歲先學!~ 你如果依家唔學,, 第日最後都係覺得心思思想學咁咪仲遲! 所以想學就學啦 ^^

2)
唔識係完全無問題! 你學溜冰都係想學好架啦!
就算你未溜過冰都無問題! 只要你同你教練講佢一定會教你架! =D 無人話學溜冰一定要識可以學架嘛! 係咪 ? ^^
教練一定會就住你既程度黎教架! 如果你係唔係好識, 佢咪由頭教你 lor ^^ 好多教練都好好人好有心機教初學者架

3)
如果你問我我一定答你上私人班! 雖然私人班係就係貴 d, 不過其實團體班你要同咁多人1齊上, 教練真正分到比你, 真正睇住你既時間又有幾多呢?
平均除一除, 一堂半個鐘, 當你6個人學私人班, 咁大概1人都係得 5分鐘,,, 咁你一期5堂,,, 咁... 最後你比左幾百蚊都係上得個25分鐘 [當然呢個係 rough calculation]
相反上私人班教練分分鐘都係睇住你, 對你了解比較多, 多 d 溝通, 多 d interactions, 一定會好好多!
加上你上團體班你要遷就返程度比較差既學生, 如果佢地學得慢, 你相對地就比人拖慢左"
當然我唔可以排除咁好彩你個班個個都好好唔會拖慢你, 不過通常黎講每一班都一定會有比較差個個架啦! 教練一般黎講都唔想一班入面程度差別太大,,,
所以最後我一定係支持你上私人班

4)
當然就唔係啦! 上堂你著咩都得! 當然就梗係著d 比較方便, 適合運動既好啦! 哈哈! 如果你唔係要比賽, 基本上你可以唔著裙架! 我地都係比賽既時候先著溜冰裙架ja! ^^

************************************************
我已經學緊溜冰, 所以我幫唔到同你一齊學,
不過希望可以解答到你 d 問題啦
我之前都答過唔少關於溜冰既問題, 所以今次係總括曬好多問題既答案
希望你明白啦! ^^ 如果你唔明可以問我架
或者你睇下之前我答個 d 人既答案都得 ^^

我第一次溜就ok啦..
唔駛學..
如果真係要花式溜冰,咁真係要學..