歐洲1個多月自由行

你的行程當然是可行的, 只是好像不太順路, 如果可作更改, 我會修改成這樣

香港 -- 英國 (1 天)
英國 -- 希臘 (先不在英國停留, 馬上轉飛希臘) (1 天)
希臘 (5 天)
意大利 (7 天)
瑞士 + 德國 (4 天)
荷蘭 ( 1 天)
比利時 ( 1 天)
法國北部 ( 7 天)
英國 ( 4 天)
返香港 ( 1 天) -- 合共 31- 32 天
去希臘因為太遠, 在英國直接坐飛機去省時好多. 你應該坐 OASIS 往返啦, EASYJET 有機狂 GATWICK 去 ATHENS, 費用因日期而浮動, 基本上越早買越便宜, 大約為 60 - 70 英鎊一程, 可到 www.easyjet.com 睇睇
你可以坐夜車慳返交通時間. 因為如果你沒有火車證, 夜車分分鐘要成 100 euro. 就算有火車證, 也需付 20 -30 euro 的留位費及差價. 係可以慳錢, 不過唔可以經常夜車, 訓得唔好會影響旅程的
國際學生證在一般景點可享有入場費優惠等, 本身覺得冇咩特別用途, 但只需 100 蚊申請, 有好過冇啦.
另外, 建議你細心編一編行程, 只得國家名是不夠. 請選擇你會到那些城市. 例如瑞士加德國只得 4 天, 你想去邊??? 4 天時間最多只可去 2 - 3 個地方, 需小心選擇了.

2007-04-12 15:30:58 補充：
我唔係好明你 "留位費可唔可以退回" 的意思... 任何情況下, 留位費係唔可以退回的. 例如我 reserve 左巴黎去羅馬的列車位置, 假如我有事去唔到, 留位費就沒有了... 如果你係買3程票既, 就要睇返唔同票的 condition 了, 但留位費係一定唔會退的至於 hostel 價錢, 每個地方的 hostel 都不一樣, 都係個句啦, 小心財物啦. 但如果你兩個人去, 加埋用 40 eur人住 hostel, 加多 10 euro 就可以住旅館了... 每人 50 蚊一日, 點解唔考慮一下, 你又唔駛咁擔心

我和女兒(十九歲)於去年九月在歐洲自由行四十天，可以和你分享一些經驗。
1. 坐夜車其實最大的好處是省時間，省錢反而其次。訂座費是不會退回的，因為它保証你有座位。必須留意有些車次是指定必須訂座的。意大利和西班牙火車常滿(尤其二等)就算沒規定訂座，也不要省那少少錢，訂了座就不用擔心罰企了！要早些去訂。

2. 在家千日好，出門在外必須事事小心。只要自己小心，Hostel不見得有什麼危險，兩個人互相照應，不須擔心。証件金錢信用卡貼身帶住(一刻不離或交拍擋看管才去更衣洗澡)，睡覺時放枕下，其他重要的物件可鎖在Hostel分配的locker(必有的)，一般的衣物放背囊中。可多帶一兩把鎖頭，記得帶電筒，床單和枕套，他們供應的也干淨，但有些要加三兩歐元租用。有些hostel有男女合住的大房，你可以選女仔大房。也可以選雙人房。我住的巴黎hostel，大房、雙人房也是每人17歐元。有些hostel的雙人房就比大房略貴。除了財物之外，人身是安全的，大人大姐，吾使咁驚！

3. 大多的hostel不再只接待年青人，一般入住者都會自律，如果要省錢，當然要降低要求，夜求一宿，有干淨的床鋪和冷熱水就足夠了。而且hostel多包括早餐，真是很划算的。意大利和希臘的平價旅館和民宿很多，不一定要住hostel。
要小心的不光是住宿，外出旅遊時更要小心！

4.國際學生証無乜用。我女兒只用過一次。

祝好運！