請問中環或者旺角邊度有品質好,價錢合理的眼鏡舖(20點)

呢個問題我都想問, 如果有做眼鏡業的人幫忙解答就好

配眼鏡其實好因人而異
首先你的度數幾多, 想要的質素好程度去到邊, 價錢大約幾多先算合理?之類
個個人都無定, 不過, 依我自己少少經驗, 可以給你作參考

每間眼鏡鋪其實都一樣, 靚d的鏡/框當然要貴d的價錢
配眼鏡時最重要都係考慮自己的需要

如果好淺的話(約200度或以下) 我覺得唔需要配太貴, 因為基本上呢個度數唔帶眼鏡都睇到野, 而且禁淺., 貴同平的分別其實唔大
深的話, 配貴少少law, 因為真係有需要成日帶住, 我自己就500度左右, 貴片同平片真成睇得出分別出來, 加上還要薄鏡片, 所以會貴d都要ga喇
如果幾十度配500蚊以上的眼鏡我就覺得唔合理喇

好多連鎖店都信得過, 平ge有alook, 好d的有88 藝視, 高登...
價錢來說, 如果你話品質ok價錢大眾化d的咪去a look law ,
始終品質呢d野好難講, 又唔知佢d片邊度入貨, 佢話係日本意大利, 唔知信唔信得過之餘, 其實睇落又唔覺....
但係如果你想要有保障d的就真係要去88 高登果d大型d的店, 個人覺得佢地信譽好好多, 包換之餘, 服務都好d...
alook的話, 我好多朋友都去配過, 但我自己就未試過, 因為d 框睇唔arm..
上樓果d就千祈唔好去, 一次試過去配左副700幾眼鏡, 用幾用塊片變黃之餘, 鏡面仲會脫左d野出來!

如果你真係仲覺得唔知點算, 問多d帶眼鏡的人拿多d意見參考law
希望幫到你 :)

我知道旺角西洋菜街近商務印書局樓下, 有間比較細的眼鏡鋪叫做(頂好), 佢老字號又細心, 最重要係價錢平, 有名牌子的都有。