澳門+珠海旅遊

以下全是出自個人認為;
景點:
龍環葡韻 :http://housesmuseum.iacm.gov.mo/main_c.htm
影相一流, 好多婚紗照及電視的MV都到此取景。

旅遊塔: http://www.macautower.com.mo/eng/main.asp
可以一覽全澳景色, 如果捨得俾錢上頂層睇睇, 真係值回票價。或者到其璇轉餐廳吃Buffet, 景色一樣咁正(不過都幾貴, 而且食物一般), 樓下經常會有各種主題活動及展覽。

南灣湖: 南灣和西環一帶, 也是拍照的好地方。

漁人碼頭: http://www.fishermanswharf.com.mo/index.php?mfwlang=big5
又係拍照的好地方, 除此之外亦有好多美食。

而澳門眾多的博物館中, 我覺得海事博物館係最值得睇, 位置就在媽閣廟旁邊。
除此之外, 澳門的各大新賭場都各有特色, 唔賭去行下睇下, 順便飲杯免費飲品都唔錯。


有d 網上流傳的澳門美食介紹我就唔再貼出來, 因為其實都係唔多Update同埋好多錯處, 在這裡介紹幾間心水野, 係比較少人提到的:

1. 雲吞麵世家
位於 澳門 雅廉訪街, 除了雲吞麵一流之外, 佢好多越南菜式都好正宗, 最重要係價錢唔貴。
2. 泰臣燒烤
位於 路環 , 在黑沙海灘附近, 另外在海灘邊亦在找到他們的檔攤, 豬扒飽不會差過大利
3. 雅(甜)<===下面有個"心"字 餐廳
位於路環市區, 葡式餐廳, 有露天望海的座位, "桑拿蝦"是他們的招牌菜, 超鮮美。
4. 官也街對出, 開了一大排食店, 好多都是一些老字號的分店。

其他經常被人介紹的食店我就唔一一列出了(例如大利, 安德魯等等, 上面1--3係比較冷門, 但真係抵食又好食的。

另外, 澳門的自助餐亦算是抵食的:
1. 不夜天: 位於舊葡京內, 口碑好, 食物品質好, 雖然選擇唔多, 138元
2. 非洲村: 位於漁人碼頭內, 以食肉為主, 如果喜歡食肉的人, 這裡是一個不錯的選擇
3. 自助山: 位於新葡京, 食物種類最多, 質數不錯, 但熱盤多, 冷盤不夠多, 沒有雪糕是其美中不足的地方, 180元
4. 金都酒店: 位於(乙水)仔, 食物款食多, 甜品多選擇, 應有的都有(除了長腳蟹限量供應), 138元
5. 金沙: 位於漁人碼頭對面, 初初開時又大又正, 後來開始差, 重新裝修後, 只有原來三分一地方, 食物種類少了, 質量回升了, 但熱盤減少了很多, 冷盤仍ok。
6. 其他不太抵食不推介了: 包括星際酒店、永利、利澳等, 另外金龍酒店本來是不錯的選擇, 但自從出現食物中毒後就不敢光顧了。

以上介紹的食店及自助餐, 本人全部親身試過, 有些更去了幾次, 內容基本上準確。
至於怎樣去的問題, 在澳門搭的士十分方便, 這些地方一般的士司機都懂得去, 兩天那麼短, 不要浪費時間乘巴士了。

酒店方面:
澳門區就皇家金堡啦, 價錢平, 就腳, 新淨。
乙水仔區就駿景和格蘭啦, 都係價錢平, 就腳和方便, 駿景樓下就係四面佛和馬會, 又有大巴士站和超市。
想住好D但又唔貴的話, 可以考慮金都酒店。

珠海:
可以住在拱北的金葉酒店, 一出關就見到, 約2XX元, 三星級, 就腳, 新淨。
吃:
一出關的商場中, 大量選擇, 價廉物美又乾淨。
蓮花路的蓮花購物城, 又係大量食店, 都係好平。
吃海鮮可以在拱北搭的士去橫琴的海鮮街, 全條街都係賣海鮮, 買後在該條街的食店加工即可, 5個人200元食到唔食。

搭船都係在港澳碼頭買飛或經旅行社買套票來澳門, 玩左一天夜晚再入拱北睡, 第二日在珠海玩完再返澳門搭船走。或在澳門住一晚都OK。

甘岩我刀系澳門人..旦系我吾多清楚珠海D野
去香港黎澳門搭船黎我諗你刀知架啦
澳門有咩好玩..澳門牙..你夠米入賭場囉..澳門賭城黎+麻
或者去下旅遊塔..漁人碼頭囉 澳門甘細..真系好少野玩