終止懷孕手術經驗分享

✔ 最佳答案

16星期已經差不多四個月了！唔知道仲有無醫生肯幫妳做，因為通常懷孕不超過三個月醫生都會幫妳做的。
我以前試過兩次終止懷孕手術，第一次仲好後生，19歲，當年無經濟能力，只有向家計會救助（家計會收費唔貴，但我唔記得幾多錢了，妳可以打去問下價錢)，如果妳未成年就需要妳父母或監護人簽署同意先幫妳做終止懷孕手術。首先第一當然會驗小便，如果驗出有就再進一步檢驗（例如超聲波），跟住家計會會搵社工之類勸告妳不如同男朋友或者家人商量下先啦.....如果妳真係唔想要，就排期（好快的），但係做手術時唔會落麻醉藥(而家有無變我就唔肯定了)，勁痛苦及可怕的經驗！做完手術後大約休息三小時就走。之後會約妳定期到家計會跟進，睇下妳有無再唔小心....BABABA......教妳避孕......
第二次其實我真係好想要，不過當時為了男朋友事業著想唔想加重佢負擔，但已經有經濟能力，所以選擇搵私家醫生（婦科醫生）幫我去私家醫院做。程序一樣，都係先驗小便，驗出有就進一步檢驗，如果妳肯定唔要妳就同個醫生講話而家唔方便要(當然亦係要睇年齡），然後比七千蚊，由兩個合法註冊的私家醫生聯簽幫妳做終止懷孕手術，跟住排期去私家醫院做。私家醫院可以幫妳全身麻醉，妳比推入手術室後會好驚，跟住有個麻醉師同妳講：「我而家幫妳打支麻醉針，瞓醒就無事」，唔夠十秒我已經失去知覺，跟住個醫生叫醒我，話做完手術了。0甘就再返病房休息兩至三小時就出院。
做完終止懷孕手術通常要係屋企好好休息兩至三日，到時要補下身子。
我做終止懷孕時才有不足1個月，16星期實在唔知道合法的私家醫生到底會唔會幫妳做。但我真係唔建議妳搵「黑市」醫生。

回答 (2)