印傭 - 又驚佢唔開心又唔想佢用電話.

你努力解釋俾佢聽你所擔心的...
佢傾電話會忽略照顧你的小朋友....易生危險....同佢講:[你都唔希望BB俾車車到架!!!]... [炒餸都唔想煮燶架].... [熨衫唔想熨燶衫架!!!]諸如此類....
又或者你講明: 幾點至幾點為工作時間, 不得講電話, 我個工人真係朝6晚10, 隨傳隨到...我就無限制佢唔准講電話, 因為我覺得講三幾分鐘OK啦...你返工都唔會唔准你講幾分電話啩? 但我一覺得佢講得太耐, 又或者真係做緊嘢, 例如煮緊餸或者熨緊衫就唔准講架啦...驚佢做錯嘢.
印尼工人其實好多都好純品, 你友善D同慢D同佢解釋, 佢地明架!!

縱觀內容, 你的印傭出現了下列問題:

第一, 違反口頭承諾 ( 請佢時已同佢聲明唔可以有電話)
第二, 挑戰權力 ( 今日同我講, 佢買左個手提電話)
第三, 試探你的反應 ( 佢問我得唔得)
第四, 說話閃縮, 有事隱瞞, 不誠實 (佢話要打電話返屋企, 我問佢" 你晚晚打返屋企? " 佢又話要SEND sms)
第五, 不尊重僱主, 俾臉色你睇 (最後, 佢好唔滿意)

而你呢, 就再次讓步 : 只可以放假用...... 好, 晚上你打完電話就比個電話我保管.

你有沒有問她 : 請她時已聲明唔可以有電話, 為何她現在又要求用電話呢? 聽吓她的解釋以作評估.

你以前請的印傭已令你擔心, 怕影響BB的安全, 疏忽照顧BB, 又不能履行職行其他職責. 現在這位又是這樣, 的確令你頭痛.

她已為你工作 16個月, 我估她已經在香港認識很多同鄉或其他外傭, 並學了很多嘢擴張自己的利益, 或攞僱主便宜, 她並摸清你的脾性, 估計你未必企得太硬, 所以開始試探你的底線.

她在印尼家裏有甚麼人, 你應該略知一二. 為甚麼之前16個月她不買手電致電回家, 現在又買呢 ? 我估她是想在你們返工時, 或她出街買餸時與朋友聯絡, 傾偈. 如果她一向不致電回家, 現在也應沒有甚麼急切的需要 (除非她家裏出了甚麼事, 急需一個手電隨時聯絡......但看情形不是這個情況), 而且你已經最終讓她 keep住個電話, 晚上才幫她保管. 我估她是要更多自我的空間, 而這些是你現時的環境不容許的 ( 因為她要專心湊小孩 )

往下來, 你們對誰保管電話(這是她的財物, 但你卻要保管, 其實於法不合, 請恕怪我直言), 或使用電話的次數, 其它相關問題會引致不和 . 她為了保住份工, 可能不會因而與僱主爭執 (但誰敢擔保 ? ), 但都肯定會心存不滿, 如果怨氣愈來愈大, 你又不能對她再讓步, 那麼, 你所擔心的事可能會發生 (例如: 對小孩的態度, 對工作的離心, 陽奉陰違.... ).

我已過了聘用外傭的時期了. 以前我的孩子還小, 我也請過幾個, 持續有8,9 年. 有些本性貪玩, 放假經常遲回, 有些手腳不乾淨, 我警告又好, 苦口婆心也好, 她們依然故我, 簡直俾佢哋蝦, 並會變本加厲, 最終就不愉快收場, 一係佢走, 一係我盡快辭退她們. 有些又勤力, 對小孩又有愛心, 又經常笑容親切, 做嘢做到加零一, 簡直愛死了她, 10多年後的今日仍會 send email給我.

請人睇彩數, 學倪匡話齋 : 好的孩子教不壞, 壞的孩子教不好. 這句也可套用在外傭身上. 她本性如此, 很難完全改變. 她旣是成年人, 理應對工作有承擔, 對僱主有尊重, 有困難要坦白. 但從你的印傭身上看不到呢.

畢竟她只是今日才與你有些言語上的抗衡, 你亦已表達你的決定, 就觀察一段短時間, 看看她的表現, 再作決定罷. (她今日的行為一定曾經與她的同鄉或外傭商量過才做的, 你也多些諮詢其他僱主的睇法啊). 凡事兩手準備, 你也要不動聲息, 留意有沒有其他更合適的人選去取代她.

我認為用人勿疑, 疑人勿用. 換轉是我, 我會極之考慮她的行為會否對小孩造成疏忽照顧, 或構成危險, 而令我外出工作時也很擔心.........畢竟我請她回來的主要目的是照顧小孩啊, 其他的家務只是次要的. 如果她不能符合我的期望, 我會寧願辛苦些再訓練一個有責任心的新人, 免得夜長夢多.

2007-04-09 01:35:24 補充：
p.s. 好agent唔等於好傭人, 只是換人時較有保障罷了. 唔好貪平, 免得有事時反口俾人告, 俾佢應有的福利 (無論薪金及假期), 要對佢公平.

2007-04-10 17:19:11 補充：
其實蠢及懶對工作來說都會做成一定影響啊----- 她蠢便不明白你的指示及心意, 要你講完又講. 蠢的人分析及判斷能力又差, 容易諗埋一邊, 又易受其他人影響或唆擺; 至於懶, 當然影響工作表現嘛. 你為你工作已差不多一年半, 她的表現是否令你滿意, 我想你已很清楚, 只是你覺得沒有甚麼大問題發生, 所以仍繼續接受她罷了.其實外傭平日都會講電話聊天, 只是多寡的問題, 她們選擇日間講電話, 一來她可以自由控制時間, 二來又不會引來你可能的不滿, 怪她不工作. 而僱主亦會明白每個人都需要一些宣洩壓力的渠道, 僱主只是心照不宣, 希望外傭能自律, 及懂得安排自己工作的先後及輕重.

2007-04-10 17:19:51 補充：
她旣然已表現出不甘心的態度, 而你亦勉為其難地作出一些讓步. 如果你想一動不如一靜, 不如找個時間 (最好到樓下飲杯茶), 和她坐下來, 清清楚楚講出你的憂慮, 及對她的要求... 譬如, 最好晚上工作完畢後才與人通電; 日間一定要以照顧小孩為先, 日間盡量減少通電次數, 要通電話也要待小孩午睡(或上學...), 並確保通電時小孩在她視線範圍內等等.

2007-04-10 17:20:15 補充：
你要以堅定的語氣告訴她, 你對她的要求, 你的要求是很合理的, 所以不可顯示出你有猶豫及退縮. 並告訴她你已破例遷就她, 你會觀察她的工作情況, 如果她表現令你不滿, 你會毫不留情解僱她. 這個方法會對你和外傭現在緊張的關係有所幫助. 機會你已給了她, 如果她不珍惜, 不要也罷 !

2007-04-10 17:29:50 補充：
ps 如果可以的話, 將手電交還給她, 因為那是她的財物. 一來免她懷恨在心, 二來又可顯出你處事公正.

講真，
現家好多傭工都有自己手提電話，
"人有我有"o既心態就出現，
難怪你位印傭買部手電。
而且佢都要儲錢去買，
緊係緊張部電話，
但你長時間保管佢o既電話，
你當然唔開心啦！

其實你位印傭同你講話買左部手提電話咁都算坦白吖，
假設佢唔同你講有呢件事，
後果...
佢都係你屋企工作一年有多，
你覺得表現如何﹖
如果以往你都放心交個小朋友俾佢照顧的話，
不如你俾番部手電佢兼且坦白同佢講番你以前o既經歷，
睇佢引以為鑑，
假設佢重蹈覆轍，
輕則用番你o既計劃，
重則唔同佢續約。
但你唔算太放心個小朋友交俾佢照顧，
咁就用番你個計劃。

我以前都有咁嘅事情發生，個印傭做咗 7 個月，佢除咗煲電話粥之外，仲打斧頭，都唔緊要，最幣就係同我個女打交，當時我個女祗係得 9 歲咋，終於比我炒咗。其實最好安排另一個女傭工作，因為需時 1 - 2 個月，等手續差不多辦好時就炒咗佢，最多保返一個月通知、假期、單程機票等等、、、，最好到僱傭公司辦理，以免麻煩。算是破財擋災吧！

我會比佢用電話

我會解雇她.

佢已經變左質,唔好手軟,換人把,而且你一早講明唔可以有電話,你己經讓左一大步