用泥種草,但落水落得不好,令整缸水很渾濁,請問有什麼方法將水弄得清澈D

你放水入缸時可以將一隻大碟or坏放響泥上,之後d水慢慢倒入坏中,咁就唔會攪到d水咁渾濁,可以減低水沖擊泥0既沖激力!!呢個係新缸有底砂or泥的加水做法!!
另外要養好(硝化細菌),等一星期之後d水會慢慢清!!而你0既情況係放水入缸同硝化細菌系統未完成0既問題,你養好d水先養魚啦!!不過你放左魚就算啦!!因為魚仔d屎屎都可以幫助(硝化細菌)生長響過濾系統內0既生物環中!!所以你冇落(硝化細菌)的話就去買返黎加響過濾中!!等一星期,d水會慢慢定返架啦!!
唔知你養咩魚,不過新魚到新缸,未咁快習慣到,所以有時會怕光,更有d魚就係怕光的!!如果係前者,等佢慢慢習慣啦!!後者就可能要將燈位set高離水面,等d光冇咁近水面,會有小小作用,不過係種草就可以加d大葉水草,多數都可以幫魚仔擋下光!!
希望我小小意見幫到你啦!!

加水要慢，可以較慢水喉，可以用碟／水管花籃／任何物件減弱水勢，避免水直接沖擊泥面，咁就可以減少泥粉；如果已打起泥粉，可以加濾棉加強物理過濾，但都係要等。

新缸水白濁十分正常，細菌數目足夠後就會清，買唔買菌冇所謂，落左都係加快少少，總之有魚後菌有食物就會漸漸增多；最緊要係魚要加得慢，幾條咁加，唔好令硝化系統負荷過重。又係一個等字，一般都要成個月。

除非係上層魚，大多魚都唔鍾意被強光照住，所以要魚開心，水草好重要，等佢地有地方遮蔭。關燈游得快，係因為嚇親呀陰功！所以最好分階段關燈，用兩個時間制，大燈關時細燈著，ｄ魚就唔會咁驚。我就人手咁做，都ｏｋ。