氣泵及潛水泵分別

氣泵,只係會泵氣入水中,冇其他供能,一個氣泵要插電,而出氣位,你可以接駁膠喉,而膠喉另一端可以接駁上不同size或形狀之氣石,而氣石係有好多細孔的,可以將空氣分成好多細氣泡,等空氣與水之間0既接觸面增多!!但要留意,使用氣泵時,氣泵要放響高過水面0既地方,因為可以防止停電時,有水流入氣喉同氣泵之中(因為水向低流)
而氣泵又可以接駁水妖使用,又可以泵氣又可以過濾,呢個系統叫(氣動式過濾)用左呢兩樣野,可以唔洗用水泵,不過大缸0既過濾效果就冇咁好!!細缸就冇問題!!
而潛水泵個名都話左你知,佢係可以放入水中,但一般黎講佢有一個電線,用黎插電源!!另外,佢有一個吸水口及出水口,而個潛水泵係用黎泵水用架!!咁入水口可以按自己魚缸需要而接駁不同喉頭,最基本吸水喉頭係一種近似豬籠咁樣的!
更有人會接駁到缸底喉,上面舖砂黎過濾!!變化可以好多!!
什至吸水口更可以接駁上水中過濾器(內有過濾棉,生物環,活性碳等等濾材!!),而出水口就用鴨咀控制水流方向做過濾都得!!真係好多樣代,所以只係潛水泵都有好多接駁上0既變化!!
而出水口多數都係會放到過濾箱中,過濾箱中會放過濾棉,生物環,活性碳等等濾材!!
雖然係咁多樣化,但我都唔可以一次講太多了!!再講可能要出書= .=先可以講得完!!
不過總括黎講,氣泵係用黎打氣入水,潛水泵係過濾系統0既心臟,用黎泵水!!