如果你有一個男朋友．．

你同佢d朋友唔熟﹐佢地唔了解你﹐所以咁樣話你。但你只係同你男朋友一個人拍拖﹐又唔係同佢d friend。你快樂﹐佢地唔會高興﹔你傷心﹐佢地唔會流淚。既然佢地都係d無關痛癢o既人﹐你又何必介懷閒人所講o既野?

況且各花入各眼﹐佢地話你樣衰﹐唔代表你真係樣衰。容祖兒都曾經俾人話過係“西環浮屍”﹐而家一樣做到天后﹐好多人改口話佢索。

既然你男朋友受盡各方面o既壓力﹐但佢仍然堅定地跟你走下去﹐足已證明佢o既認真。但即使佢有無比勇氣﹐如果冇左你o既支持﹐佢一定捱不下去。所以你唔可以退縮﹐為左你男朋友﹐你一定要堅強去面對依d批評﹐用愛彌補對方為你所受o既委屈。

閒人對你作出無理批評﹐只顯露出佢地o既膚淺﹐你毋須同佢地一般見識。對付依種人﹐最好就係一笑置之。佢地見你毫不動搖﹐自然無癮收口。相反﹐你表現得介意﹑憤怒﹐只會激起無聊人更猛烈o既攻擊﹐到時只會令你男朋友更加左右做人難。

Take it easy吧! 無一個人可以得到全世界認同﹐但人心肉做﹐假以時日佢d朋友對你認識深左﹐一定會發現你係一個好女仔﹐到時就雨過天青。

我都走過你依段路﹐全因我得罪左一個女仔﹐佢就發起黨羽﹐日日去我初戀男朋友面前數我。將我從外到內批評得一無是處﹑體無完膚。我當時只不過同男朋友拍左拖兩個月﹐男朋友最終受唔住壓力同我分手。我冇恨任何人﹐只係我地o既感情薄弱得禁不起刺激....

我衷心恭喜你... 身邊有個愛護你﹑懂得欣賞你o既人﹗毋須擔心太多... 時間會解決一切難題。

祝福你﹗

你男朋友幾愛你....?!你從何得知呢?!
個人認為你同佢d fd唔熟係正常既....
佢d fd like唔like你 你根本就無需理會....
若然你男朋友聽左佢d fd講你唔靚而同你分手既話
甘就證明你男朋友唔夠愛你...
而你男友愛既只係人地點睇既眼光以及美麗既外貌....
你唔需要做任何野 做番平時既你就已經好足夠
因為你需要既係你男朋友既鐘意唔係佢d fd既鐘意!

你同個男朋友拍拖又唔係同佢d f d 拍, 唔洗理佢地。你男友愛你就得。

只要你男友愛你就夠了。

不用擔心啊...

您可以不用理会他的朋友,您男朋友喜欢您就足够了.
要是他听他的朋友话,您也知道其实他不是真的喜欢您.