本來做開文員, 老闆問我有無興趣做採購

你本來都有心諗住轉工架 la, 咁目前要諗o既就係, (一)你有冇咩目標方向先,...?? (二)你心目中覺得自己想搵d 咩價錢先,...?? (三)你既然知道做公司採購要一條龍服務, 而公司的福利已經唔係太好o既時候, 咁我覺得你個老闆又問你諗唔諗住轉勒, 即係佢都有心比你上架 la, 咁你可以問下佢人工會係幾多(因為我覺得呢d 係呢個時候絕對唔怕問 wo), 因為老闆同員工係互相合作, 就算你係度做左好耐好耐, 假設對公司真係好有感情, 但係宜家始終牽涉到利益, 我覺得你係有權去爭取 law, 同埋我覺得無論係同你個老闆去傾人工問題, 又或者係去第二間公司到, 你都要知道自己要求o既價係幾多 & 一定要對自己有信心,...

2007-04-17 19:59:11 補充：
其實我覺得如果你真係十分擔心的話, 或覺得黎緊係工作環境有好多野已經唔可以係你能力預計範圍內發生的話(包括人事及工作量), 另一方面, 若你現在的人工唔太高的話, 而你又覺得你出去都搵到d 差唔多價錢, 或者少一點的, 我都會建議你搵過份 law, 因為你宜家未去到果個情境已經出現那麼多的不安焦慮的話, 比你做到, 你都要適應好一段時間, 最大問題係你都未必會開心, 最後一句說話係, 反而睇下你自己有冇信心去試下 la,

首先你有無興趣做採購,如無,一切免談。然後你有無採購經驗? 如無,人工當然唔會高,一腳踢對於新入行的你反而是好事,咩都要做等於咩都要識,老闆俾機會你去學應該多謝都來唔切,切勿斤斤計較,見很多後生仔話呢樣唔係我做,果樣應該係乜水做,還以為推掉工作而高興,卻不知把機會堆給別人。先不要計較付出,最後你會得到你應得的。