我試過泵出黎...都有半安士,咁係咪即係我仲有奶,有機會成功做番全母乳餵養架?
係咪都仲要間中餵下奶粉直至完全夠奶,定係以後都要有幾餐奶粉,冇辦法喇??
我好想BB食番全人奶呀...有冇媽咪可以幫下我....
未有經驗既都諗下辦法呀...加埋加埋我知有希望架!!
BB而家10星期大喇, 情況其實係咁...
佢6個星期大時我個乳頭損哂...流血流到佢飲埋d血落肚,佢都飲得唔少呀...因為佢d便便都有...我唔想睇到佢咁飲血,就決定泵出黎比佢,點知就開始唔好喇...有時佢喊餓既時候,都泵唔切,就開奶粉啦...咁就影響我既奶量喇,食下食下就奶粉佔多...我越泵越少,越來越冇心機泵,一日先得total 4oz...佢先食得一餐...但係見到d奶粉攪到佢便便唔到...又熱氣...好心痛...好後悔...自己仲有少少奶都唔比埋佢,好過唔到自己呀...
更新1:
我問過好多次問題,好多都話叫我放棄...因為人奶加奶粉餵對BB唔好...係咪真係架...? BB真係會適應唔到咩...咁我係咪要完全停哂奶粉...咁有咩辦法可以增加奶量快dd...BB唔駛餓呀?
更新2:
我知道越勤d餵...d奶會番黎,但係而家最主要問題係我餵得佢唔飽,已經冇奶喇...但係佢岩岩先飲完人奶,冇理由即刻比奶粉...咁咪對佢唔好囉...但係佢又唔飽喊...覺得自己好冇用...比唔到最好既佢...
