化妝問題~

hello, 我係亞紫，係zing the make up school讀緊化妝。

1)胭脂位在哪裡?
將胭脂掃在唔同的位置有唔同的效果:
- 想要可愛感覺的，掃之前咧嘴笑，將胭脂以打圈方式掃在臉部凸起的那兩個部位上(俗稱蘋果位)
- 想要自然健康膚色的，除了掃蘋果位外，還要將剩下的胭脂掃在鼻樑與鼻頭之間，下巴，太陽穴對上的位置
- 想改善面形的︰
A、方形面，可於cheekbone位置垂直打橫掃成C字，令cheekbone更分明而有立體感
B、倒三角形面，可由鼻樑側向外斜掃至眼尾位
C、cheekbone太突出，可由cheekbone中間開始打橫向外掃，令妝容柔和D

2)暗粉同亮粉分別是什麼?
其實，我唔係好知你問的係matt粉和shimmer粉的分別，還是陰影粉和光粉的分別，所以我答晒兩樣啦。
A、matt粉和shimmer 粉的分別
- 兩者最明顯的分別就是shimmer是加入了閃粉，而matt粉裡面沒有閃粉。
- 顏色方面︰matt的粉比較實D，容易上色，shimmer則比較自然和輕D，較難上色
- 質感方面︰matt粉難掃得均勻，shimmer就比較容易

B、陰影粉和光粉
- 陰影粉和光粉通常都會一起用在塑造立體輪廓的化妝上
- 基本的理論就是暗位凹，光位凸，所以如果你想邊一個部份在視覺上凹進去，就在邊一個部份掃上陰影粉，相反，受光的位置則在視覺上比較凸出，可以利用光粉
- 顏色︰陰影粉多是啡色，例如淺啡和深啡﹔光粉則是米白色或帶shimmer的白色
- 位置︰陰影粉多用於鼻樑兩側(突出鼻樑，屬於80年代的妝容)﹔cheekbone下面(可在視覺上令面看上去凹了)﹔光粉則多用於鼻樑中間、眉骨、cheekbone上、嘴唇下中的位置(可令嘴唇看上去sexy D)
一般的光粉都以matt為主，比較自然，掃了都唔覺，如果用帶shimmer的光粉就會比較假。

3)一般自己化的妝容通常可以keep幾耐時間?
- 我自己化的妝一般都可以keep成日，6個小時之內都唔需要補妝或吸油

4)我有次化完妝出街,畀雨淋,但個妝冇化到,係咪代表我用既化妝品係防水?
- 唔清楚，因為唔知你淋雨的程度去到邊。一般的化妝品都唔會容易化開，除非真係一盆水咁淋落去。

5)要落妝~用卸妝潔面乳好d定係卸妝油好d?
- 其實都要看番你自己的皮膚適合邊一種，我自己就用卸妝油，然後再用bioderma的sensibio H2O來清潔，保證乾淨。

6)皮膚白擦咩色唇膏又自然又靚呢?
皮膚白其實用什麼顏色的唇膏都好看，不過唇膏的顏色比較實D，如果你唔介意的可以選擇偏向唇色的唇膏或略帶粉紅的顏色。如果想再自然D，可以選擇用唇彩，例如franche的 ultra violet, ice crystal; 粉紅色的可選擇franche的tamara cher, Laura Mercier的pink beige glace，Bonjour的#4rose emblematic; 想閃亮D的可選擇L'oreal Glam shine。

希望幫到你啦^^

我提議你不如上一ｄ興趣班係教化妝的～

Missha有專業基礎化妝班呀, 會於葵芳區的Missha Workshop上課。
每課堂會有10-15個學員;會員可與一位非會員以同樣優惠價 ($150) 報讀同一化妝班,而課堂上已包括上課用品。Also, 你完成左個 course 之後, Missha 會俾返兩張現金券你 (total $100) 如有興趣,可以到各大Missha概念店查詢及報名。(上課時間可看看 Missha 的網頁)
你可以問你下d朋友or 識得的人係唔係 Missha 的會員~ 咁就可以叫佢帶埋你報名啦~ ^^
呢個 course 係教你自己幫自己化架~
www.missha.com.hk

而Bobbi Brown化妝班, $150教授化妝技巧兼送一次修眉服務, 而且可用這$150全數買回其產品, 很抵!!

另外, 你可以係 yahoo! 句知識 度 search 下一d網上教化妝的網頁~ 都應該會對你有幫助的~ ^^

www.missha.com.hk


SHISEIDO、ettusais〔其實也是shiseido〕、m.a.c.、植村秀也有，不定期的
但你要首先買一點點的產品，申請要收到電郵通知。
因為通常也是通過電郵說開班，要常常留意
很多都是收取了二三百元，但那個錢上課後可以用來買同面值的商品


另外你試下打去問啦~

九龍塘又一城 tel: 2265 8928

銅鑼灣sogo tel: 2831 8474

銅鑼灣連卡佛 tel: 2115 9691

中環 連卡佛 tel: 2111 3912

金鐘連卡佛 tel: 3100 1936

尖沙咀facess tel:2110 9387

尖沙咀九龍酒店西武 tel: 2127 4710


shu uemura 的化妝班　．．我１年前上過,很好,很專業.由洗面落妝至每一個化妝step都詳細講解,每人一張化妝枱,包化妝品及今年最流行的顏色配襯一一盡教,對你很大幫助..


希望可以幫到你～

1)每個人的胭脂位不同，視乎面部輪廓~而且妝容效果不同，搽的位置都唔同，一般如下:

可愛萍果面:面珠位，打圈搽
自然面:面珠下位打斜掃上，觀骨位掃亮粉~

2)暗粉:一般叫陰影粉，啡色的。如果面肥，可以掃臉2側，有人會打鼻影(一般去街唔建議咁化，舞台or上鏡先用)

亮粉:high-light粉，珍珠白色的。用來打光影，一般人會打在眼角、鼻樑及觀骨位，掃得好有自然的突出輪廓效果~(建議試下，效果好好~~)依然有人會high-light下眼線位令眼大d，都ok~

3)視乎你用邊隻，防水、long-lasting的可以keep到5-6個hours~(打碎粉可定妝~~)

4)係掛~~

5)似乎你膚質，一般卸妝油好D~

6)個人建議玫瑰紅，今年興~又自然!

1)胭脂位在哪裡?
由眼珠與鼻頭位置開始，向面近耳方向掃上，可有瘦面的效果。建議想瘦D用橙、啡，暗一D既色。如皮膚白就粉紅，可打圈甘掃。

2)暗粉同亮粉分別是什麼?
暗粉用來打陰影，用在鼻樑2面側、面的邊緣位.....令面瘦D、細D
亮粉是相反，強調輪廓，如掃在鼻樑上，眼肚、下巴......

3)一般自己化的妝容通常可以keep幾耐時間?
如有用控油+保濕打底，可以LAST一日左右，當然要間中吸下面油。

4)我有次化完妝出街,畀雨淋,但個妝冇化到,係咪代表我用既化妝品係防水?
可以甘講既。但係一般化妝品都唔會兒戲到一遇水即溶既，除非你照頭淋。

5)要落妝~用卸妝潔面乳好d定係卸妝油好d?
我覺得卸妝油乾淨好多，真係既。

6)皮膚白擦咩色唇膏又自然又靚呢?
粉紅色+GLOSS