岩岩第一日識我地已經好好傾咁!
之前有一排佢要exam..我又陪下佢咁
就係咁就日久生情啦
後黎又成日傾電話咁~成日都傾到好晏先訓~佢又好好人
又講左好多佢既野比我聽
大家都有feel咖果時
過左冇奈, 佢去左我個xg表白
果時我都好開心咖,,因為大家都有feel丫ma!
不過我因為要考試, 想考好d而冇接受到
果時我因為考試好煩, 而發左佢幾次脾氣..仲搞到佢喊..
之後佢都冇咩點再搵我啦
前排我又搵下佢吹水咁~不過發覺佢變左都幾多
而家我發覺我真係好中2佢..我真係唔可以冇左佢係我身邊!
我覺得我真係miz左一個好好既機會..
我好想同佢表白, 不過又冇咁既勇氣, 好驚佢已經拍緊拖, 已經冇左我既存在喇
而家真係好唔開心丫
各位認為我應唔應該去表白?定係放棄左佢就算?
到底可以點好呀..希望大家都可以幫下我啦..
小女子在此致以萬分感謝..thx!
註::佢係一個比我大兩年既男仔黎咖..而家已經冇讀書, 出左黎做野啦~
我就仲係讀緊書既
更新1:
其實都唔可以話係鬧佢囉~~ 只不過我話又唔睬佢又唔理佢咁~ 所以佢就喊啦
