毅進計劃??

其實讀完毅進有冇用.........

毅進計劃係由六間院校聯辦, 若果努力爭取到好成績,
無論是繼續進修或就業都會有用 !

毅進畢業證書相當於中學會考五科合格的水平 !
~ 對會考冇五科合格的學生, 當然係有用啦 !
~ 對未讀到中五的朋友, 就更加有用啦 !

毅進課程較集中日常生活及工作上應用,
評核分數：平日習作 + 考試 + 出席率
只要努力, 要十科 pass 唔難 !

~~~~~~~~~~~~~~~~~

畢業後持續進修 ~
很多進修院校, 都認同毅進畢業證書資格, 可以報讀證書, 文憑, 副學士先修課程。
若成績表上分數好, 可直接報讀 ive 高級文憑。 (有成功個案)

畢業後就業 ~
可投考要求中五會考五科合格（包括中、英文）的政府職位 。
( 今年毅進封面既畢業生已經見証左 ! )
就算其他私人機構要學歷証明, 亦可以多一個選擇,
交出一張成績好既毅進畢業證書, 好過只可以交一張成績差既會考証書啦 !

~~~~~~~~~~~~~~~~~

小小個人心得 :
~ 我冇讀過中五, 所以毅進開學時候, 都唔知 project 係咩事,
完成了毅進之後, 我已經成為 project 高手啦, 因為我組既 project
每次都是全班最高分數 !
~ 有同學開學時, 每次 presentation 都逃避, 令願缺席唔返學,
到後來都肯大膽走出來大聲 presentation !

以上事例, 就証明毅進不單對繼續進修, 同埋搵工都有幫助 !
對個人知識和行為, 都會增長 !

只要努力 ~ 明天會更好
祝你好運啦 !