船務文員屬於咩部門？有沒有船務部？公司會有d咩部門，每個部門又分咩？

●船務文員屬於咩部門？
船務文員在一些貿易公司可能屬於船務部、出入口船務部、物流部、貿易部、出入口商務部、出入口文件部......等等。

●有沒有船務部？
自然有啦！只要是大公司或挎國公司都有，會叫船務部(Logistics Dept)，專門負責去貨及驗貨問題。
如果船公司，會叫出入口船務部(Inward or Outward Dept)，專門負責出口貨或入口貨的問題。

●公司會有d咩部門，每個部門又分咩？
正常一間公司的部門：
(1)行政部
計劃公司的運作，改善公司的管理和營運
(2)人事部
請人、升遷和開除

(3)船務部或出入口事務部
出入口的船務，跟貨和報關，收錢

(4)商業部
負責對外的銷售和客戶的聯絡和開發

(5)會計部
管理公司中的財務，銀行的事務，計算薪金和開票，製訂預算和年結。

要詳細分清職權，只有極大的公司，所以如要更進一步知道便要跟據以上數點再發問，才可以答你。

船務文員(Clerk, Shipping Clerk/Assistant/coordinator 或 Logistics Clerk) 泛指從事與船務有關工作的人。

正如要出糧會揾"會計"、要訂貨會揾"採購"、要寄信會揾"信差"..., (其他行業另計, 例如: 船公司, 運輸行, 報關行...)

要視乎間公司既規模,行業,同埋公司既設定/政策,同埋要睇你做乜野行業既公司既船務文員--貿易公司,船公司,定係forwarder.

如果係貿易公司,咁有可能由採購經理傾好價錢之後,到D貨入晒倉(或者交俾客)為止既所有工作.但係都要睇公司既規模既.如果公司較有規模,政策上係層層分工既話,咁工作就好可能好單一,可能只係落單,或者開L/C,或單跟貨期...是但做一瓣.

如果公司規模較細,咁船務可能就係做"一條龍服務",由落單,開L/C,跟貨期,船期,甚至book櫃,book船,買保險,到跟單,攞B/L,安排報關,提貨,拖櫃,拆櫃,驗貨,點貨,入倉(期間sales可能又會追貨期...).....

如果公司係做大陸生意既,可能仲要跟埋大陸o個part既進口,報關,繳稅等等(如果係國家管制既物品,可能會牽涉申請批文或者做保證金台帳既野....)

一句講晒,要睇下間公司點設定,範圍可以好大,但係文員位通常都係負責跟頭跟尾既"下欄"工作.

如果做船公司,咁就係接D客既order,安排拖櫃,吊櫃,上船.....

如果做forwarder,咁就係做駁腳既野,幫客搵最合適既船期,安排好D野,出晒文件(有可能要幫個客買埋保險,代客報關).....

至於學歷要求,都係要睇下公司既規模,如果大公司,要求可能比較高,因為佢地除左文員,可能會有supervisor或者officer既位,請高d學歷既,將來如果某人做得好既,可以內部提升,如果公司細,除左經理(可能係老闆做埋),就係文員,咁如果老闆又唔捨得俾比較好既條件既,咁要求就唔會好高.

但係最基本既要求,至少都要有中五或者預科,中英文程度良好,懂電腦,懂打字,做事有耐性,細心.