一些物理科問題

1.通常都會將縱波畫圖轉左做波既樣先睇其他野,畫既圖係位移-位置關係圖,習慣上取右位移為正,左位移為負,對比原本未有波粒子既位置同有個波之後粒子既位置就畫得到,之後先好似睇橫波咁睇振幅果D野(包括速度),密部同疏部位移都一定會係零,所以佢地速率最大.

2.物同鏡既位置其實己經決定左像既位置,物同鏡既位唔同,像既位置都唔同(可以係f前或者f後),但係物同鏡既位置定左,成像既位置亦會定左,而且只有一個

3.近視或遠視既人要戴眼鏡,塊鏡只係將一D個人原本睇唔到既物係佢地睇到(唔戴鏡)既地方成像,個像再經眼既晶狀體係視網膜成像.塊鏡只係輔助,唔係直接成像係視網膜度

4.缺口越小,繞射程度越大,但係通過既能量亦會較少,未必好清楚睇到

5.如果唔裝係活線上面(裝係另一條度),咁個電器既電勢依然好高,個人touch到既話D電可以經電器再經個人流落地下(地下既電勢低),所以要係活線度.
電勢係空間一點既描述,好似一樓二樓咁,電壓即係電勢差,講兩點,好似一樓同五樓相差四樓咁,不過好多時都雜用,睇情況分啦

6.磁鐵係線圈入面move,線圈無磁通量改變,即通過線圈既磁力線數目無變(畫圖畫得到),所以無感生電流

7.電器插落插座其實係以並聯形式接駁去電源度,所以插好多個會令到電流好大,可能會過左個插座既負荷,咁就好危險

8.屋企既插座會出交流電.
風筒既構造我唔清楚,但係只要佢入面有一個換向器係度,就可以令電流變成單方向流動,令線圈受力方向恆定,摩打一直轉

2007-04-07 19:44:30 補充：
答左半粒鐘....希望你明啦 ^ ^

1.
睇縱波粒子我地通常會將佢化為橫波sin去睇
當粒子的位移是０時速率最大
而疏部同密部的粒子亦同樣有可能瞬時靜止

２.
其實佢哩個方法你已經set死哂個位
所以成像的位置得一個

3.
戴左透鏡只係幫人眼去睇
而唔係幫助視網膜形成要睇ge像

4.
當缺口越小 其繞射程度不會改變
但振幅卻會下降