唔記得賣旗/3\..可以點?

如果你未領旗袋及義旗﹐紅假後立即聯絡老師交代事情始末啦! 你一定要同老師講... 如果唔係佢會以為你係一個毫無責任心o既人﹐到時對你印象仲差! 反而你勇於認錯﹐老師仲欣賞啦! 一定會從輕發落^^

如果你已領有旗及旗袋﹐就會麻煩少少。

我有兩次賣旗經驗... 如果你已經領有旗袋及旗﹐你必須於指定時間內將旗袋交還去指定地點。

由於賣旗涉及公益款項﹐每次收﹑發錢袋及義旗﹐都需要賣旗義工簽名作實。賣剩o既旗亦要交還有關機構﹐以防有人利用義旗行騙。

如果你手上有旗或旗袋﹐都要通知學校或是次籌款團體﹐將物品交還。否則﹐點數時發覺少左一份﹐追查到你冇交... 可能會懷疑你偷左d錢﹐又或者以為你俾人打劫﹐機構會報警求助! (唔係嚇你﹐係我以前賣旗﹐老師千叮萬囑架...)

如果你唔想打電話﹐又未過還旗袋時間﹐你可以去交旗袋o既地點將旗袋交還。

如果你唔想俾學校知﹐試下親身去今次o既籌款團體﹐將旗袋交還。但今日係紅假兼星期六下午﹐可能無人辦工。

其實... 個機構一定會登記賣旗者資料﹐學校實會知你冇去....

你而家擔心俾老師鬧係冇用﹐最緊要快d還返個袋俾人... 如果佢地聯絡唔到你﹐可能真係會報警求助﹐到時你仲大鑊...

最可行o既方法就係﹐即刻聯絡負責老師﹐話佢聽你冇去到。同時要保管好錢袋﹐仲有一張旗都唔可以少。否則義旗被不法份子執左就麻煩! 所以﹐一定要保管好d野呀!!! 仲有﹐電話一定要差足電﹐屋企電話要放好﹐以防老師打電話俾你入唔到線...

其實你都唔使咁驚o既... 就算個機構今日收到錢﹐銀行唔開佢都入唔到數! 佢應該會留返下個星期先處理d善款。咁你下個禮拜一朝早9點打電話俾佢地咪得囉! 至於老師o個邊.... 佢一定會知架喇﹐你主動同佢道歉﹐相信佢會原諒你o既!

唔好擔心太多喇... 總之祝你好運啦!^^”

你有旗袋在身邊嗎？
如有：公假後立即致電學校，告知這事，因少了一個旗袋，該機構要追查的。
如冇：比較簡單，同樣第一時間告知老師，讓負責老師知道，若老師需要向該團體交待，亦可盡快處理。
總之，錯了要認，其實很小事而已。

既來之，則安之。
意思是，事情既已發生了，就要安然接受…
坦白講，依家都過哂秒，打電話去都可能已經收左工…
老師也不是“蠻不講理”的，放完假返學，老實地告訴老師，因為放假所以忘了賣旗，請老師原諒，但應承下次不會重犯，會較鬧鐘，寫低在日記簿或貼在家裏當眼的地方。
老師會較易接受一個誠實勇敢認錯，負責任的學生，多於一個做錯事百般掩飾的同學。可能老師會責罵幾句，但大都會輕輕放過的。
中國人有句說話：「坦白從寬，抗拒從嚴！」
你應該明白吧！

祝好運！

肅然起敬