牙齒薄,有咩野方法可以解決到??

牙齒的厚薄是不可改變的. 正如皮膚, 指甲的厚薄, 頭髪的粗幼是不可改變一樣. 但請你放心, 每個人的牙齒的厚薄都有分別, 只要選擇適當的飲食, 清潔及保護牙齒的方法, 牙齒便會伴你健康成長:

( 節錄自星島日報 2006年9月12日, 中華麥飯石生命科技高級營養師黃榮俊: 想令牙齒堅固, 便須攝取足夠的鈣質. 鈣是組成牙齒的主要成分, 奶類和豆類製品鈣含量最為豐富, 尤其是乳製品類, 其鈣及磷比例最容易被人體吸收, 多吃含檸檬酸的水果（如檸檬、柑橘等）也有助吸收鈣; 磷是保護牙齒不可少的營養素, 在食物中分布很廣, 只要不偏食, 均能攝取到豐富的磷. 此外, 某些食物亦是益齒良伴, 如芹菜有助為牙齒進行大掃除、綠茶含大量可抗酸防蛀牙的氟、洋葱具強而有力的抗菌成分、香菇的多醣類則能抑制口中的細菌製造牙菌膜. 如能每天適量喝水, 可讓牙齦保持濕潤, 刺激口腔分泌唾液, 有助洗滌牙齒表面, 減少細菌和食物殘屑積聚, 是最簡單、最便宜也最實用的護齒良方. )

另外, 不要食太多醃製零食 (譬如: 話梅, 檸檬乾...我有位朋友自小愛吃這類零食, 20 多歲, 大部分的牙齒都腐蝕了). 食完嘢, 要飲些清水或漱口, 唔好立即刷牙 (因為此時琺瑯質呈最輭狀態, 立即刷會傷害牙面), 待約20-30分鐘後才可刷牙.

至於你說怕用門牙咬食物, 你的心情是可以理解的, 照平常飲食, 但切記不要用門牙咬堅硬的食物, 如骨頭(排骨,豬排骨), 至於瓜子或硬殼果, 可用剝瓜子器, 除殼器幫助.

都想同你分享吓我刷牙的心得: 我通常唧咗牙膏後(約1粒黃豆般大), 就離開廁所, 睇電視或睇書, 一路輕輕力刷牙 (建議你唔好喺廁所對住塊鏡刷牙, 因為你可能企一陣就無心機企, 草草用力刷完就算). 起碼刷3,4分鐘. 要溫柔及輕力些, 並不時用條脷掃吓啲牙, 邊度 '嚡' 啲, 即係嗰度未夠乾淨.

唔好大力刷牙, 因為會令牙肉收縮而引致牙齒敏感 (即飲涷水, 食雪糕, 會牙 '赤' ); 二來, 會刷花牙面, 牙面花咗更易藏漬. 晚上臨睡前, 先用牙線清潔牙縫, 再刷牙. (平日多用牙線取代牙簽清潔食物渣滓).

另外, 洗牙是不會影響到你的牙齒, 反而對你保護牙齒有很大幫助, 因為洗牙是清潔牙漬, 並去除由牙菌膜引致的牙石, 防止牙周病, 所以你大可放心. 但記得每隔最多一年至年半便去見牙醫, 讓他驗查牙齒及洗牙, 預防勝於治療呀.

希望你擁有一副健康的牙齒啦 !!!

2007-04-08 23:27:49 補充：
牙齒俱樂部: 含口腔健康、小百科、治療室及相關資訊。www.toothclub.gov.hk/以上網址教你認識牙齒及有護齒祕訣, 得閒上去睇去啦 !

2007-04-08 23:32:02 補充：
牙刷要選輭毛, 及細頭的 (可伸進較入位置方便清潔)