到melbourne 留學一問

你好, 恭喜你有機會過來 Melbourne讀書. 你要好好把握個機會呀. 會考成績並唔表示一切, 你可以係melbourne重新比心機, 加油, 讀好書, 入你想讀的大學科目的.

因為你就快過來, 等我提你有d咩野一定要帶.

1) 字典 (電子/ 中英)
電子方便查字, 而中英就有時可以攞入去考試. 但我諗大學時的考試先比用中英字典的. fundation或英文班只比用英英.
如果你想買本中英字典, 記住買本深少少, 厚少少的.
而本英英字典就等到去到澳洲先買啦, 因為你學校或者會指定要用邊本的.

2) Notebook
係澳洲買電腦幾貴. 可以的話自己帶過去啦! 再唔係, 帶個case都好.

3) 插座轉換器
因為澳洲的插座係 "/ \" 字形的, 如果你會帶任何電子用品過去, 最好買4-5個插座轉換器. 香港買比澳洲買便宜好多!!!

4) 一件厚外套
我唔知你去澳洲邊到, 但melbourne冬天天氣好凍的. 你最好有件厚外套. 我自己就有件 "2合1". 即外面件可以擋風/雨, 裏面件就保溫暖. "2合1"好好的, 因為又可以分開兩件著. highly recommended!

另外melbourne大部份時間都好凍的. 你記住帶多d冬天衣服.

5) 手提電話
如果你自己已經有手提電話, 你可以帶去. 去到澳洲再上台, 如果你去melbourne, Optus係最多人用的. 另外澳洲都有簽計劃送電話的plan, 但通常要簽兩年的.

6) 細pack裝的洗頭水, 護髮素, soap, 牙膏...
因為你唔知homestay有冇供應, 所以可以自己帶d細pack裝去. 可以用住先, 之後再去supermarket買.

因為你行李有限你帶幾多kg的. 所以你如果有好多野想帶過來的話, 你可以叫你屋企人寄郵包比你. 郵局有5kg/ 10kg/ 20kg箱的. 20kg會最抵, 你可以去澳洲前pack定一個. 可以去之前寄, 或等你過到去先叫屋企人寄. 之後先寄的好處係, 你發現有咩唔記得帶, 可以叫屋企人放埋落個箱到. 一次過寄晒比你.

去到澳洲又要準備咩野?
1) 基本上因為你住homestay, 佢地會提供食宿比你. 你都唔駛擔心咁多. 但要小心homestay會樣樣野都同你計錢. 好似飲野, 用野, 佢地或者都會計得好清楚. 牙膏, 洗頭水之類, 你問下佢地會唔會提供. Otherwise, 你去到澳洲時再買都ok.
另外, 你要記住澳洲人通常都較早瞓的. 你要小心夜晚時唔好太嘈!
上網的問題都要問清楚. Broadband係澳洲都未算好普及, 好多人都仲係用緊 56k dial up. 所以如果你homestay係用dial up, 你要小心唔好用咁耐呀.
如果你發現你個homestay好難相處, 你都可以同你學校傾傾. 等佢地再安排另一個homestay比你.
雖然我對homestay評價一般, 但我都希望你個homestay對你好啦!

2) 長途電話卡 (去到melbourne買)
如果你想打番香港比你的屋企人或朋友, 你可以過到melb時, 買長途電話卡. 用電話卡打番去, 一分鐘大約 AUS$0.02--$0.04. 真係好平, 好抵打的. 去 China Town就有得買. 我用開 E-tone. 好清, 唔錯. 你都可以考慮一下.

再有問題就send message問我啦!