天台防漏問題

我公司專做天台防漏，因為我有好多客專門賣一些４－５０年的唐樓，有天台翻新後再租出去，所以這個問題我可以答你！

其實，我地做防水唔係做一層咁簡單，是要先做泥水批盪，再在英泥上溝英泥寶（俗稱牛奶水）先，令到這層防水層會有一個鏡面，因為英泥寶可以使英泥乾了後的窿窿封左，形成防水層，做了這個步驟之後，先至髹黑膠！

髹黑膠一定髹上天台壆，否則就會功虧一簣．當髹完黑膠之後，再造一層泥水批盪，當然要溝英泥寶，再最後鋪地磚，牆身鋪瓦仔或髹水油，地台要做地台去水，所以天台去水可以好快，因此到而家做的天台防水及浴室防水工程都未衰過！

閣下的問題可能是關於窗邊，你髹漏補王，滴家寶等，唔係隻料唔得，再漏的原因通常是兩大原因：

第一，你可能髹了透明色，有些地方你冇髹到，但你睇唔到，或你髹的地方覆蓋不到，所以仍然有漏水的問題！或者你髹的地方，根本就不是入水的地方，要清楚，水可能是經過很遠的路途才在漏水的位置漏出！

第二，就是本身漏補王之類的材料，會形成一層防水膠膜係表面，但由於有日曬的問題，日頭時有熱力時，防水膠膜會因熱力而有所澎漲，到夜晚時，就會因氣溫下降而收縮，重覆澎漲收縮，會形成防水膠膜會出現裂縫，所以再漏過！

髹黑膠一定比髹漏補王之類好，但是髹黑膠是好難髹，髹過你就知，因為太杰，但這才是防漏的最好材料！

髹黑膠是最好，不過做點是好難髹及不美觀！

閣下可以試吓髹完漏補王之後，再髹磁油或水油係面，防漏效果應該不錯，但比髹黑髹美觀！

YOKI WONG
圖片參考：http://hk.yimg.com/i/icon/16/5.gif


2007-04-06 09:06:11 補充：
樓上的網友說得很對，所以我們做天台防漏工程時，黑膠是放在中間的一層，面及底都是有防水英泥包住，最面的一層是才是地磚！

2007-04-06 09:08:47 補充：
唔好意思，睇漏左你的問題是做天台，你可以按上面最初的步驟做就可以了．但一定要小心及細心，否則只要有一個小孔，就功虧一簣！下面做窗邊的防水資料，可以不理了！

用防水黑膠塗在天台面,只能解決一時的問題,難以長遠防漏.
且它需要很長時間才乾透,未乾前難以踏足其上,一年半載後
受日曬雨淋的侵蝕變得毫無黏力,失去防漏的作用.