居屋 , 9 年樓 , 大家建唔建議全屋換喉 ???

如該樓宇本身的建築沒有問題，亦未見有流水情況，那就不需換全屋喉，因為樓齡還不算太久．但如是你本人物業，會大裝修和會自己長住，我建議你換喉，如會賣，短住，租給別人或不是自己物業，那不用換喉了．　只有二個情況是租比人住都換喉．
１〕流水．不要只用油漆蓋了水印就租給人，因租賃期間流水由業主負起維修費用，如大大影響了租客的華美裝修你就更慘！
２〕單位太殘舊，一定要破去厠所及廚房的磚換新磚，那就當然順手換埋喉啦．
注意：有時流水是樓上單位水渠破了流水至下面單位，未必是自己單位問題，故一定找專業的師去驗證．　

2007-04-08 02:40:04 補充：
提提你 明喉價錢比暗喉平, 明喉露出易修理, 但露哂出來不美觀. 暗喉看不見但修理難和貴.喉有鉄, 銅, 膠等不同材料, 暗喉一定要用銅喉. 不論明暗都不好用鉄喉. 明喉可用膠或銅. 因個人追求和經濟情況而作決定. 我因愛美就不惜金錢多少將全間三層換新暗銅喉. 誰不知我買磁磚的錢多過換喉費.

如果您剛剛買, 而樓鹷有九年, 按正常嚟講當然要換, 因為一般嚟講水喉用咗十年以上就會好容易爆或者漏, 而您剛剛買回都要翻新一吓, 不如順便換咗佢, 好過到時爆咗先換, 您又要俾多一筆錢出嚟裝修, 您都知道住落再裝修係一件好煩的事, 而且如果漏落樓下, 樓下住客分分鍾要您比裝修費.