又冇人知道胎動係點樣

我二十五週就感覺到胎動~
而據醫生所說，一般泥講二十五週就可以明顯感覺胎動的情況~
至於胎動係點，初期會感覺到個肚裡面有野郁緊~好輕微咖~
中期(七至八個月到)會感到bb踢你或打關斗~郁泥郁去咁~非常活躍~
十二小時內要有約二十次以上的胎動(可能唔洗咁多，因為我不太記得清楚，不過我好肯定一定要有十次以上)，如:連踢你三下等於胎動三次~
不過唔洗太刻意去數，感覺到bb時常有郁動就ok~
如果不足此數，要盡快入院檢查bb是否有事，如:bb被臍帶纏頸等等異常情況~
後期(九至十個月到)會感到胎動比之前明顯減少，因為bb要準備即將出世，頭仔會慢慢掉轉移位~
十二小時內要有約十次以上胎動~不足此數亦要盡快入院檢查~記住係要即刻唔好拖~
我記得母嬰健康院的姑娘講過一個例症:
周潤發的太太懷有38週身孕，亦係感覺胎動比以前少左，遲了入院，結果bb被臍帶纏頸窒息不治...所以胎動少係可大可少!!!!

我上星期開始ｆｅｅｌ到胎動，好似ｄ腸係度郁咁，有時快，有時慢，有時大力，有時細力，有時好強烈ｆｅｅｌ到佢轉身，不過靜靜地，就一定ｆｅｅｌ得到．

通常在18周開始有,好似肚皮d肌肉在跳,有時會明顯地在肚皮看到,一日最少29次,如果到了5 個多月或胎動少於20次就盡快要入院檢查了

我現在20週,我係上個星期感到胎動了,好似有些氣泡係肚入面,有時又覺得佢頂下頂下,而且我覺得平躺會感覺多些.不過睇過好多資料都說個個人唔同的.慢慢你會感覺到.

我大約17週多d就感覺到胎動了,你會覺得個肚裡面好似有d野跳下跳下咁,BB大概每隔20分鐘就會動下,大概胎動幾下就會停,胎動一日唔可以少過十次,如果少過十次就要去睇醫生!!到左5個月,一般孕婦都會感覺到胎動....之後胎動會愈黎愈強烈!!!

好似腸蠕動咁,好難形容,敏感度高的16週已開始感覺到,肥伴的孕婦可能會敏感度無咁高..
我就18週已開始感覺到胎動了,有了胎動後每日都會有的,你一發現胎動少了或個日無胎動便要即睇醫生,因可能胎兒已沒有生長了