我想問點樣煲米水?and用米水開奶俾bb飲?同埋bb要幾多個月先可以用米水開奶飲?~~thx~~(急需)

我想問點樣煲米水?

用半杯米, 煲大約二至三餐份量的水份, 凍水跟米一起煲, 滾後用慢火, 要煲到 at least 有八個字才飲, 要米開晒花, 因為米水係用作清熱, 隨便滾兩滾反而會涼, 要煲久一點才夠火喉的. 煲後就倒入暖壺, 一部份就倒去奶樽待凍. 就得唔好成日攪 d 煲好的米水, 免得有風.

想用米水開奶俾bb飲?

基本上同水一樣, 如果落米份量少, 水比較稀, 可按平時落奶粉的比例. 如落米份量多, 米水比較濃, 就可落少一匙奶粉. 然奶咀孔我就會用牙籤整大一點, 因為較易出奶, 同埋比 bb 習慣食快少少, 勿嘆奶.

同埋bb要幾多個月先可以用米水開奶飲?

我滿月後就比 BB 飲, 比起飲其他庶水, 開奶茶, 會更好. 清熱, 正氣, 又飽肚...

米水開奶會增加BB胃仔負荷,長時間用米水開奶會損害BB個腎臟,若是用米水開正常份量奶粉就更差,要三思。
米水可吃但不可用作開奶。

我bb出生十多天便已用米水開奶, 因我奶奶表示用米水開奶bb不會太熱氣, 而我bb出生到現在(五個月), 大便質素一直好好。

保米水方法是保白粥, 後將水隔開便可以。

點解你唔問, 點解要煲米水比bb飲﹖

只需再煮大人飯時落多些水，飯將ok時, 有匙壓低的飯, 搯出d水, 再隔一次渣就是了

如是bb飲奶ok夠飽, 無需要加米水,

有些加米水, 是在快要斷奶學食粥仔時,等bb適應下d味同質地

千萬不要到可以食粥時仍用奶樽, 易傖

煲米水方法：
凍水落兩隻手指甲大小嘅果皮(怕粥水寒涼)，再放1條准山(健脾開胃)，水滾較慢火，煲半小時後，再加兩湯匙米，再煲半小時，煲埋既粥水最好剛剛夠ｂｂ果餐飲（如6安）。然後用6安米水加6匙奶粉就可以開成米水奶喇!

我bb 3個月大開始我就煲黎開奶佢飲，我會夜晚至煲，等佢飲左訓覺飽肚ｄ，成機戒埋夜奶，依家4個月大喇! 我覺得佢面色紅潤左添呀!

(要留意米水開成嘅奶會杰好多，所以奶咀孔大些，奶咀要換大一號bb先食得無咁辛苦架)