雲南自由行

以您要遊覽既地方，最小 5、6日啦，當然您如果想每個地方睇多ｄ，
就要留多幾日 (視乎您自己要求)。

冇錯，您可以選擇由深圳飛昆明，價錢會比香港平ｄ。

建議行程如下：

day 1 出發到昆明 或 麗江
這天可以遊覽一下麗江城，想方便既，可以包一輛的士，
只需 RMB 40-50左右。
夜晚可以出去古城既四方街行下，佢地有民族舞跳。

day 2 古城一日遊
主要係遊覽古城，同埋為黎緊兩日既行程作準備。

行古城，可以感受一下麗江納西族民化，古城入邊有好多野賣，
土銀、木雕、畫像、銅器、精品、民族服飾等等，都幾有趣。
再可以去下古城入邊既萬古樓睇古城全貌，去木府睇下歷史文化。

仲有記住要 book 定車以供之後兩日行程。
您可以先響住既地方問下價，有左個預算先。
然後到古城正門口既廣場度 book。
又或者可以係古城內搵下人地貼出來搵同行既貼告示，
join埋佢地一齊去，多ｄ人玩高興ｄ，亦有個照應。
夜晚可考慮去酒吧街吃喝玩樂，感受一下當地特色。

day 3-4
book左車去玉龍雪山、瀘沽湖。
夠您玩兩日的。

day 5 回程 麗江 / 昆明
您可因應自己的航班時間返回 麗江 / 昆明。
當然，若時間許可，還可以在麗江到處走走。

呢個係最基本行程，5日可以玩晒您要求既地方；
估計 budget 三千零蚊都冇問題。

您亦可以以上面既行程延長您想停留耐ｄ既地方，
或者再加入其他想去既景點。

希望幫到您啦～

好呀，去雲南好開心架！

我上年年尾去過，風景正、空氣好，生活節奏超慢，啱晒relax。不過唔好意思，我係跟團去，自己去點搭車就幫唔到啦... :o

不過，我覺得昆明唔好，好"烏糟"，似廣州。由昆明去大理車程要成四、五個鐘，大理去麗江都要四個鐘架，如果你搭公車就要小心扒手同司機中眼瞓啦。大理麗江都好舒服，住'官房花園別墅酒店'好靚，玉龍雪山都值得睇。當地人話洱海好靚，可以一去。可惜我那次行程無，去唔到。其實搭車睇到好多風景，好靚，但又幾辛苦，最好去程搭車、回程坐內陸機。

預祝你玩得開心