咭數有多少年追溯期呢?

錢債案追債期有效期六年，從債主發覺借款人欠款起計，(不是由借款日起計)，如果債主發覺你欠債，但完全不採取追債行動的話，六年後就不能再追，當作債主自動放棄權利。但如果債主是有法律行動的，例如寄律師信追你債，找追數公司追你，上法庭告你等，只是借款人走左路，找唔到，則債主一世都有權要你還債。
你朋友 13年覺得無事，可能只是他搬了屋，電話改左，工作轉左，銀行找你唔到，並非人地唔追，不過銀行真是全無追債行動，咁樣就夠六年不能再追。不過你認為銀行有無咁笨呢？銀行不會唔識法律，銀行靠借錢賺錢，點會欠款六年內完全無法律行動去追債？六年追溯期一定對你朋友無用。
你朋友現在如果無錢還，當然可以申請破產，但提議先和銀行商討，能否減低利息，因為銀行其實一早當這筆債是壞賬，現在能收回幾多得幾多已經很好，可能談過條件，一定少過幾十萬的，好過你朋友破產時收不到幾多錢。
你朋友申請破產，對他日後都有影響，如非最後著，勿輕言去做。

其實筆數講明是借嘅唔是俾嘅，當然要還啦！如果真是無能力就申請破產，唔好再逃避了，要對自己做嘅事負責；破產只是影響信貸評級，無之前幾位講嘅咁恐怖；阿B都過得好好吖，做人要蕭灑啲，逃避只會令當事人變得渺少。

殺人填命,欠債還錢,非常合理,你朋友有心走債,知道欠債,不與人聯絡,現在還想扺賴,此人很有問題,同他做朋友要考慮吓先,不論年期多少,理應還錢,他有心欠債,如果欠的是財務公司,他一早被人斬死,没有人會同情他.如果他以後想買屋,向銀行借錢,他一定借唔到錢,因他己有黑名單在銀行電腦上,任何一間銀行,永遠借不到錢,因他己没有信用.

2007-04-05 16:20:36 補充：
你可以申請破產,不過以後己没信用,人生一世留留長,留下污名,不值得.