✔ 最佳答案
硅(即矽,英文名為silicon,符號Si)是一隻半導體,從名就知佢係導電體,但係同時又係絕緣體。
點解會咁怪?因為如果係純硅o既話,佢o既結構係同鑽石一樣,都係巨型網狀結構 (giant covalent network),無自由電子同離子,自然就唔能夠導電。
但係如果我地人為添加雜質 (impurities/dopant),情況就會大大不同。
假如我地添加原素周期表入邊第五族o既原素作為dopant,原來o既巨型網狀結構就會因為多出一粒電子 (electron) 。呢粒電子因為唔屬於任何共價鍵 (covalent bond),可以自由走動,導致硅可以導電。加入越多dopant,多出o既電子就會隨之增加,導電性能就越高。因為電子係帶負電荷,呢隻半成品就被稱為n-type (負,英文為negative)。
假如我地添加原素周期表入邊第三族o既原素作為dopant,原來o既巨型網狀結構就會因為缺乏一粒電子出現左一個孔(hole)。呢粒孔可以從鄰近o既原子搶電子填補空洞,個孔就會從一個地方移去叻人個地方,可以被想像成為一個帶正電荷o既粒子。加入越多dopant,缺乏o既電子就會隨之增加,更多導電o既孔就會出現,導電性能就越高。因為原子缺失左一粒電子就會帶正電荷,呢隻半成品就被稱為p-type (正,英文為positive)。
圖:
http://www1.eere.energy.gov/solar/images/illust_n_p_layer.gif
(抱歉,搵唔到比較清晰o既圖)
所以硅能唔能夠導電,你可以話佢得,亦都可以話佢唔得,要睇佢純唔純。